Jó 37:5 - Tupàn zeꞌeg

⁵ Tupàn wànoànog uze'eg ikatuahy ma'e pupe. Uzapo ma'e uhua'u ma'e. Nazapuner kwaw a'e ma'e ikwaw paw rehe.

Jó 37:5 ပူးပေါင်းရင်းမြစ်များ

Jó 11:7

— Apuner Tupàn ima'enukwaw paw uzeàmim ma'e kwer ikwaw paw rehe ihe, ere iko nezeupe. — Apuner Tupàn upuner wera'u ma'e ikwaw katu haw rehe ihe no, ere iko nezeupe.

Jó 26:14

Tupàn upuner ma'e tetea'u iapo haw rehe, wyzài ikàg ma'e iapo haw rehe. Xo màràn zo amume'u kwez xe peme. Mo upuner ipuner haw uhua'u haw ikwaw paw rehe wà.

Jó 36:26

Uhua'u tuwe a'e. Nazapuner kwaw ikwaw paw rehe. Nazapuner kwaw Tupàn i'ar ipapar haw rehe.

Jó 37:14

Izo. Epytu'u nezeapyaka pà nehe kury. Nema'enukwaw ikatuahy ma'e Tupàn hemimutar rehe nehe.

Jó 37:16

Ywàkun uzeaiko ywak rehe. Aipo erekwaw wamuzeaiko haw. Tupàn ukwaw katu ma'e paw rupi a'e. Xixak ywàkun izeaiko haw zane. A'e rupi xikwaw Tupàn ikàgaw.

Jó 37:2

Ezeapyaka katu Tupàn ize'eg iànoànogaw rehe nehe. Einu iànoànogaw izuru wi uhem ma'e nehe.

Jó 37:4

Na'e teko wenu ize'eg ikororo mehe wà. Wenu àmàn iànoànogaw wà no. A'e 'ar mehe we iweraw haw nupytu'u kwaw u'ar ire.

Jó 40:9

Aipo nekàgaw nuzawy kwaw hekàgaw. Aipo neànoànogaw ikàg heànoànogaw ài.

Jó 5:9

Nazapuner kwaw hemiapo kwer purumupytuhegatu kar ma'e ikwaw katu haw rehe zane. Hemiapo hexak pyr 'ym waneta haw nupaw kwaw.

Jó 9:10

Tupàn uzapo ma'e uhua'u ma'e wà, ikatuahy ma'e wà no. Hemiapo kwer purumupytuhegatu kar ma'e nupaw pixik kwaw wà nehe.

Salmos 18:14

Omomor u'yw. Umuhàmuhàz wàmàtyry'ymar wà. Àmàn iweraw paw heny katu ma'e pupe umuzàn kar a'e wà.

Salmos 29:3

Teko weinu Tuweharupi Wiko Ma'e 'y 'aromo ize'eg mehe wà. Tupàn ikàg ma'e umuànoànog kar àmàn a'e. Teko weinu ize'eg yryhu 'aromo a'e wà.

Eclesiastes 3:11

Tupàn umume'u ma'e i'ar pitàitàigatu ikatu ma'e a'e, pitàitàigatu a'e. Zanepurukwaw wer uzeapo ma'e kwer rehe zane, ta'e Tupàn ipurukwaw kar wer hehe zanewe a'e xe. Zanepurukwaw wer uzeapo ma'e ràm rehe no. Nezewe rehe we Tupàn nukwaw katu kar kwaw wemiapo upaw rupi zanewe a'e.

Isaías 40:28

Aipo napekwaw kwaw ko ma'e. Aipo ni amo numume'u kwaw peme wà. Tupàn Tuweharupi Wiko Ma'e uzapo ywy paw a'e. Tuweharupi upureruze'eg a'e no. Na'ikene'o kwaw. Nuiko pixik kwaw ikene'o ma'e romo. Ni amo nupuner kwaw ima'ekwaw paw uhua'u haw ikwaw paw rehe wà.

Romanos 11:33

Tupàn a'e, ma'e paw wazar romo hekon a'e. Ukwaw katu ma'e paw rupi a'e no. Nazapuner kwaw hemiapo kwer ikwaw paw rehe zane. Nazapuner kwaw hemiapo ràm ikwaw paw rehe zane.

Apocalipse 15:3

Umuzàg Moizez zegar haw 'àm wà. (Moizez Tupàn ze'eg imume'u har kwehe arer romo hekon a'e.) Umuzàg Àràpuhàràna'yr zàwenugar rehe zegar haw 'àm wà no. Urezar ne, Tupàn Ikàg Wera'u Ma'e ne. Uhua'u neremiapo kwer. Ikatuahy neremiapo kwer. Teko ywy rehe har wanuwihaw romo ereiko paw rupi. Aze erezapo kar ma'e nehe, Ikatu putar a'e ma'e nehe. Aze eremume'u ma'e neremiapo ràm nehe, Erezapo putar tuwe a'e ma'e neremimume'u kwer nehe,