Jó 37:19 - Tupàn zeꞌeg

¹⁹ Uremu'e pe izupe ureze'eg àwàm rehe nehe. Ta'e nurupuner kwaw ma'e rehe urema'enukwaw katu haw rehe xe.

Jó 37:19 ပူးပေါင်းရင်းမြစ်များ

Jó 12:3

Ihe akwaw ma'e ihe no. Napekàg wera'u kwaw ihewi. Mo nukwaw kwaw ko penemimume'u kwer wà.

Jó 13:3

Heze'eg wer Tupàn upuner wera'u ma'e pe. Hepurumume'u wer heremiapo kwer rehe izupe.

Jó 13:6

Peinu heremiapo kwer imume'u àwàm nehe kury. Pezekaiw heze'eg rehe nehe no.

Jó 26:14

Tupàn upuner ma'e tetea'u iapo haw rehe, wyzài ikàg ma'e iapo haw rehe. Xo màràn zo amume'u kwez xe peme. Mo upuner ipuner haw uhua'u haw ikwaw paw rehe wà.

Jó 37:20

Akyze Tupàn wi. A'e rupi naze'egahy kwaw izupe. Namume'u kwaw hemiawy kwer izupe. Nezewe haw iapo haw nuzawy kwaw hemumaw pàwàm henoz taw.

Jó 38:2

Nerekwaw kwaw ma'e ne. Neze'eg awer wexak kar ikwaw 'ymaw ihewe. Mo romo ereiko. Màràzàwe tuwe nerezeruzar kwaw hema'ekwaw katu haw rehe.

Jó 40:4

O Tupàn Tuweharupi Wiko Ma'e, aiko ikàg pixik 'ym ma'e romo ihe. Ma'e a'e putar newe neze'eg iwazar pà newe nehe. Hepyta wer heze'eg 'ym pà.

Jó 42:3

— Màràzàwe tuwe nerezeruzar kwaw hema'ekwaw katu haw rehe, ere ihewe. Ta'e aiko ma'e ikwaw 'ymar romo ihe xe. Aze'eg ma'e heremigwaw 'ym rehe ihe. A'e ma'e ikatuahy wera'u ihewe. Napuner kwaw ikwaw paw rehe.

Jó 9:14

Aipo aiko upuner ma'e romo ihe. Aipo apuner Tupàn pe ize'eg iwazar haw rehe. Ma'e pe aexak putar ze'eg izupe imume'u pyràm nehe.

Salmos 139:6

Màràzàwe tuwe hekwaw katu pe nezewe. Nakwaw kwaw ihe. Nema'ekwaw paw uhua'u a'e. Napuner kwaw ikwaw paw rehe ihe.

Salmos 73:22

Napuner kwaw neremiapo kwer ikatu haw ikwaw paw rehe. Aiko miar ài ma'e kwaw 'ymar romo ihe.

Romanos 8:26

Tekwe Puràg ur putar zanepy'a pe zanepytywà pà a'e nehe, hàro re zanepytu'u wer mehe a'e nehe. Ta'e naxikwaw kwaw zaneze'egaw Tupàn pe zane xe. Ma'e rehe zaze'eg putar izupe nehe. Ma'e xinoz putar izupe nehe. Naxikwaw kwaw. A'e rupi Tupàn Hekwe Puràg ukwaw kar zanereminoz Tupàn pe a'e, zanerekuzaromo a'e, uze'eg 'ym pà a'e.

1 Coríntios 13:12

Aze zame'e waruwa izipiw ma'e rehe nehe, nazazexak katu kwaw nehe. Aze zame'e tuwe ma'e rehe nehe, xixak katu nehe. Nezewegatete naxikwaw katu kwaw Zezuz ko 'ar rehe zane kury. Tur mehe xikwaw katu putar nehe. Xo màràn ma'e akwaw kury. Nakwaw katu kwaw ma'e tetea'u. Tur mehe hexak mehe akwaw katu putar ma'e paw rupi nehe. Tupàn hekwaw katu tuwe a'e. Heremigwaw ràm nuzawy kwaw a'e Tupàn hemigwaw ihe nehe.

1 João 3:2

Hemyrypar heremiamutar wà. Zaiko Tupàn purumuzàmuzàg ài zane kury. Zaiko putar amo ae ma'e romo zane nehe no. Naxikwaw katu kwaw a'e ma'e romo zanereko àwàm. Xo ko ma'e zo xikwaw katu kury. Zaneruwihawete tur mehe nehe, zaiko putar izàwe nehe, ta'e xixak putar tuwe zane nehe xe. Xixak putar hexakaw nehe. Xixak putar ikàgaw nehe no.