Jó 37:13 - Tupàn zeꞌeg

¹³ Tupàn umugyr kar àmàn ywy rehe Zanerehe uzepyk pà. Umugyr kar àmàn ywy rehe zaneamutar haw hexak kar pà zanewe no.

Jó 37:13 ပူးပေါင်းရင်းမြစ်များ

2 Samuel 21:10

Na'e Hizipa Xau hemirekoagaw kwer upyhyk amo pàn hyru iapo pyr kury. Uzapo wàpuzràn pixika'i ma'e itahu 'aromo. Oho a'e pe arozràn ipo'o haw rehe wazypyrogaw mehe. Xo kwarahy ipaw mehe xo àmàn wanetekwer wanehe ikyr mehe zo uhem oho a'e wi. 'Aromo wiràmiri ipuru'u wer wano'o kwer rehe wà. Nuze'u kar kwaw wà. Pyhaw miar hehaite ma'e ipuru'u wer wano'o kwer rehe wà. Nuze'u kar kwaw wà.

2 Samuel 21:14

Utym wakàgwer paw Ki Xau tu itym awer pupe, Zera tawhu Mezàmi ywy rehe har pe. Teko uzapo tuwihawete hemiapo kar haw paw wà. A'e re Tupàn wenu teko ize'eg mehe wà. Upytywà wà kury.

1 Reis 18:41

Na'e Eri uze'eg tuwihawete Akaw pe kury. — Emai'u eho ty. Ta'e aenu àmàn tetea'u ikyr mehe ihe xe, i'i izupe.

1 Reis 18:45

Nan kwehe tete ywàkun pihun tetea'u upyk ywak kury. Ywytu uzypyrog ur pà no. Àmàn ipuhuz katu ma'e uzypyrog ukyr pà no. Wixe Akaw uzywyramawa pupe kury, Zezereew tawhu kutyr oho pà kury.

Esdras 10:9

Na'e na'iruz haw 'ar mehe 20 haw 'ar mehe no 9 haw zahy rehe paw rupi awa Zuta ywy rehe har paw wà, Mezàmi ywy rehe har paw wà no, uhem Zeruzarez pe wà. Uzemono'og oho tàpuzuhu henataromo katu pe wà. Àmàn ukyrete iko. Ukyze wewer wà no, ta'e ukwaw uhua'u ma'e izeapo àwàm a'e pe a'e wà xe. A'e rupi uryryryryz wà.

Jó 36:31

Nezewe haw iapo mehe Tupàn umumai'u kar teko wà. Omono temi'u wanupe wanemimutar rupi no.

Jó 37:14

Izo. Epytu'u nezeapyaka pà nehe kury. Nema'enukwaw ikatuahy ma'e Tupàn hemimutar rehe nehe.

Jó 37:6

Tupàn umugyr kar àmàntàtà ywy rehe. Umugyr kar àmànuhu no.

Salmos 65:10

Eremugyr kar àmàn tetea'u ko rehe. A'e 'y umuàkym ywy. Eremuàkym ywy àmàn pupe. A'e rupi hezuz itym pyrer a'e.

Joel 2:23

Penurywete nehe, Zeruzarez pe har wà. Ta'e ihe Tupàn Tuweharupi Wiko Ma'e pezar ihe xe, azapo uhua'u ma'e ihe xe. Amugyr kar àmàn i'ar mehe katete ihe. Àmàn i'ar mehe amugyr kar ihe. Àmàn tetea'u kwehe arer zàwenugar amugyr putar nehe.