Jó 36:7 - Tupàn zeꞌeg

⁷ Tupàn uzekaiw katu awa ikatu ma'e wanehe wà. Umuigo kar tuwihawete romo wà. Tuweharupi wiko putar upuner ma'e romo wà nehe.

Jó 36:7 ပူးပေါင်းရင်းမြစ်များ

Gênesis 23:6

— Einu katu ureze'eg nehe. Ereiko tuwihawete ikàg ma'e romo urerenataromo ne. Ezutym neremireko hetekwer itakwar xe har ikatu wera'u ma'e pupe nehe. Ni amo xe har nahekyty'ym kwaw hetekwer itymaw rehe newe wà nehe. Wyzài teko uzutym kar putar hetekwer newe wà nehe, i'i izupe wà.

Gênesis 41:40

A'e rupi erepureruze'eg putar heràpuzuhu pupe nehe. Heremiaihu paw weruzar putar neze'eg wà nehe. Xo ihe zo apuner wera'u putar newi ihe nehe, ta'e tuwihawete romo aiko ihe xe.

2 Crônicas 16:9

Tupàn Tuweharupi Wiko Ma'e ume'e ywy rehe uzeapo ma'e nànàn. Nezewe mehe omono ukàgaw hehe uzeruzar ma'e azeharomoete har wanupe a'e. Ko 'ar rehe erezapo neranaiw haw. A'e rupi ko 'ar henataromo ereiko putar zeàmàtyry'ymawhu inuromo tuweharupi nehe, i'i Anani Az pe.

Ester 10:3

Zutew Monekaz a'e, wiko tuwihaw upuner wera'u ma'e romo a'e. Xo tuwihawete Xerexe upuner wera'u izuwi. Ikatu Zutew paw wanupe. Umuawate wà no. Aze upuner amo ma'e iapo haw rehe Zutew waneko haw imukatu pà, uzapo a'e ma'e a'e. Aze upuner amo ma'e iapo haw rehe Zutew wamukàg kar pà, uzapo a'e ma'e a'e no. Upaw.

Jó 1:3

Heta tetea'u heimaw wà: 7.000 àràpuhàràn hawitu ma'e wà, 3.000 kawaru kupewa'a kamer her ma'e wà, 1.000 tapi'ak wà, 500 zumen wà. Heta tetea'u uma'ereko e ma'e izupe wà no. Wiko awa hemetarer katu wera'u ma'e romo awa kwarahy ihemaw kutyr har paw wanuwi.

Jó 22:29

Tupàn umuezywa'u wiko wera'u ma'e wà. Upyro ikàg 'ym ma'e wà.

Jó 31:4

Tupàn ukwaw heremiapo kwer upaw rupi a'e. Wexak heata haw pitàitàigatu no.

Jó 4:7

Nema'enukwaw amo teko ikatu 'ym ma'e iapo 'ymar rehe aipo, Teko iaiw haw rehe u'ar ma'e kwer rehe aipo, Teko imunar 'ym ma'e imumaw pyrer rehe aipo.

Jó 42:12

Tupàn Tuweharupi Wiko Ma'e umur uze'egatu Izo rehe heko haw iahykaw rehe. Ikatu wera'u heko haw a'e 'ar rehe har a'e, heko awer izypy mehe arer wi kury. Heta tetea'u heimaw izupe wà: 14.000 àràpuhàràn hawitu ma'e wà, 6.000 kawaru kupewa'a wà, 2.000 tapi'ak wà, 1.000 zumen wà.

Jó 5:11

Tupàn umupu'àm ikàg 'ym ma'e ywate a'e wà. Omonokatu uzai'o ma'e wapyro àwàm me wà no.

Salmos 33:16

Amo tuwihawete nuweityk kwaw amo tuwihawete zauxiapekwer ikàg ma'e wamono kar pà ikutyr. Hemiruze'eg zauxiapekwer nuweityk kwaw inugwer ukàgaw rupi wà.

Salmos 33:18

Xo Tupàn Tuweharupi Wiko Ma'e zo upyro izuwi ukyze ma'e a'e wà. Xo a'e zo omonokatu ipuruamutar katu haw rehe uzeruzar ma'e wà.

Salmos 34:15

Tupàn uzekaiw katu teko imunar 'ym ma'e wanehe hemu'em 'ym ma'e wanehe a'e. Weinu a'e wà, aze a'e teko wenoz ma'e izupe a'e wà.

Salmos 34:16

Wiko ikatu 'ym ma'e iapo har waàmàtyry'ymar romo a'e. A'e rupi, wamàno re amo teko heharaz wanuwi na'arewahy wà.

Salmos 41:12

Hepytywà putar pe nehe, ta'e azapo ikatu ma'e ihe xe. Hemuigo kar putar pe nepyr tuweharupi nehe no.

Isaías 22:23

Teko umupu'àgatu tàpuz izyta ràm ywy rehe wà, nezewegatete amuigo kar putar a'e awa tuwihaw romo nerekuzaromo ihe nehe. Teko uzeruze'egatu putar iànàm paw wanehe a'e wà nehe, ta'e tuwihaw romo hekon putar a'e nehe xe.

Sofonias 3:17

Ta'e Tupàn Tuweharupi Wiko Ma'e pezar wiko penehe we a'e xe. Ikàg a'e. Pepyro putar nehe. Hurywete putar penehe nehe. Peamutar katu, a'e rupi umur putar peneko haw pyahu ma'e peme nehe. Uzegar putar Tupàn nehe. Hurywete putar nehe.

2 Tessalonicenses 3:3

Zanezar a'e, uzapo tuwe ma'e iko uze'eg rupi a'e. Uzapo tuwe wemimume'u kwer. Omono putar ukàgaw peme nehe, pemonokatu putar ikatu 'ym ma'e iapo har wanuwihaw wi nehe no.

1 Pedro 3:12

Ta'e Zanezar uzekaiw katu wanehe a'e xe, Ikatu ma'e iapo har wanehe a'e xe. Uzeapyaka waze'eg rehe a'e no, Izupe waze'eg mehe a'e no. Uzepyk putar ikatu 'ym ma'e iapo har wanehe a'e nehe no, Wàmàtyry'ym pà a'e nehe no.

1 Samuel 2:8

Upir hemetarer 'ym ma'e ywy ku'i kwer wi wà. O'ok ma'uhez taw ima'uhez ma'e wanuwi. Umuigo kar hemetarer 'ym ma'e tuwihawete wamyrypar romo wà. Umuapyk kar a'e teko tuwihaw henaw rehe wà no. Ywy iwy pe har wazar romo hekon Tupàn Tuweharupi Wiko Ma'e a'e. Umuapyk ywy wa'aromo a'e.