Jó 36:6 - Tupàn zeꞌeg

⁶ Numuigo wiwi kar kwaw ikatu 'ym ma'e wà. Wereko katu hemetarer 'ym ma'e wà.

Jó 36:6 ပူးပေါင်းရင်းမြစ်များ

Jó 21:30

Nezewe i'i a'e teko wà. — Tupàn ikwahy mehe teko wanehe izepyk mehe, Awa ikatu 'ym ma'e uzepyro izuwi wà.

Jó 34:26

Katu pe teko wanenataromo, Tupàn uzepyk wanehe a'e, imunar ma'e romo wiko ma'e ài a'e.

Jó 38:13

Aipo amo 'ar mehe eremuhàmuhàz tatainy ywy rehe. Aipo nezewe haw iapo mehe eremutuhug iaiw ma'e ne wà, Wazeàmimaw wi wamuhem kar pà ne wà.

Jó 4:7

Nema'enukwaw amo teko ikatu 'ym ma'e iapo 'ymar rehe aipo, Teko iaiw haw rehe u'ar ma'e kwer rehe aipo, Teko imunar 'ym ma'e imumaw pyrer rehe aipo.

Jó 5:15

Tupàn upyro hemetarer 'ym ma'e wamàno haw wi wà. Upyro ma'e hereko 'ymar upuner ma'e wapo wi wà no.

Jó 8:22

Neàmàtyry'ymar wiko putar maranugar haw rehe wà nehe. Amo weityk putar ikatu 'ym ma'e wanàpuz wà nehe no.

Salmos 140:12

O Tupàn Tuweharupi Wiko Ma'e, erezekaiw hemetarer 'ym ma'e wanehe ne. Akwaw nezekaiw paw ihe. Erepytywà ma'e hereko 'ymar ne wà no.

Salmos 140:13

Teko nereruzar har a'e wà nehe, umume'u putar nekatu haw a'e wà nehe. Wiko putar nepyr tuweharupi wà nehe.

Salmos 55:23

Ne, o Tupàn, ereityk putar Puruzuka ma'e umàno ma'e kwer wapyta haw iwy pe nehe. Numumaw kwaw ukwarahy iku'aw har wiko pà wà nehe. Ihe zote azeruzar putar nerehe nehe.

Salmos 72:4

Tuwe tuwihawete na'imunar kwaw wama'e rehe teko waneruze'eg mehe nehe. Tuwe upytywà ma'e hereko 'ymar wà nehe no. Tuwe weityk teko wanemetarer rehe imunar ma'e wà nehe no.

Salmos 9:12

Ta'e Tupàn ima'enukwaw ma'erahy ipuraraw har wanehe a'e xe. Naheharaz kwaw wakuhem awer wanuwi a'e. Uzepyk wanupe ma'erahy ipuraraw kar har wanehe no.

Isaías 11:4

Tupàn ze'eg rupi zo umume'u putar hemetarer 'ym ma'e wanemiapo kwer nehe. Ize'eg upyro putar a'e wà nehe. Uzekaiw putar ma'e hereko 'ymar wanehe nehe. Ize'eg nuzawy kwaw ywyràihàg. Ipupe uzepyk putar ko ywy rehe har wanehe nehe. Upytuhemaw pupe uzuka putar ikatu 'ym ma'e wà nehe.

2 Pedro 2:9

Aze teko ikatu wà nehe, Tupàn ukwaw putar ma'erahy ipuraraw paw wi wapyro haw a'e nehe. Upyro putar wà nehe. Ukwaw ikatu 'ym ma'e iapo har wanexakaw a'e no. Amo 'ar mehe umume'u putar wanemiapo kwer a'e nehe, wanehe uzepyk pà a'e nehe.