Jó 36:29 - Tupàn zeꞌeg

²⁹ Mo ukwaw ywàkun iho haw wà. Mo ukwaw àmàn iànoànogaw ywak rehe har Tupàn henaw pe har wà.

Jó 36:29 ပူးပေါင်းရင်းမြစ်များ

2 Samuel 22:12

Uzepyk pytunaw pupe, Ywàkun ipihunahy ma'e pupe. Ywàkun 'y pupe tynehem ma'e izywyr hin a'e.

Jó 26:14

Tupàn upuner ma'e tetea'u iapo haw rehe, wyzài ikàg ma'e iapo haw rehe. Xo màràn zo amume'u kwez xe peme. Mo upuner ipuner haw uhua'u haw ikwaw paw rehe wà.

Jó 28:26

Umume'u àmàn ikyr àwàm. Wexak kar ywytu àmàn inuromo har iho àwàm izupe no.

Jó 36:28

Ywàkun uzakook a'e 'y. Ukyr u'ar pà 'y uwyrykahy ma'e romo uzeapo pà ywy rehe.

Jó 36:30

Tupàn umuhàmuhàz àmàn iweraw paw uzeiwyiwyr. Nezewe rehe we ipytunahy yryhu wy pe.

Jó 37:11

Tupàn umynehem ywàkun 'y pupe. Na'e ywàkun omomor uweraw haw no.

Jó 37:16

Ywàkun uzeaiko ywak rehe. Aipo erekwaw wamuzeaiko haw. Tupàn ukwaw katu ma'e paw rupi a'e. Xixak ywàkun izeaiko haw zane. A'e rupi xikwaw Tupàn ikàgaw.

Jó 38:37

Mo upuner ywàkun wapapar haw rehe. Mo upuner izi'y izakookaw rehe àmàn romo.

Jó 38:9

Ihe apyk yryhu ywàkun pupe ihe. Azuwàzuwàn ipytunaw pupe no.

Salmos 104:3

Erezapo neràpuz 'y ywate har rehe. Ereata ywàkun rehe ywyramawa zeàmàtyry'ymawhu pe har ài. Erewewe ywytu nepepo romo iapo pà.

Salmos 104:7

Neze'egahy henu mehe 'y uhem a'e wi. Imono kar mehe uzàn oho a'e wi.

Salmos 18:13

Na'e Tupàn Tuweharupi Wiko Ma'e wànoànog ywak rehe kury. Teko wenu Tupàn Ywate Wera'u Har ize'eg wà kury.

Isaías 40:22

Ma'e paw iapo har wapyk wenaw rehe ywate a'e. Muite ywy wi a'e. A'e rupi teko nuzawy kwaw tahyw izupe wà. A'e ae upupirar ywak pànuhu ài. Umuàgà'ym tàpuzràn ài weko àwàm romo.

Naum 1:3

Iàrew ikwahy haw a'e. Ikàg no. Nuezar kwaw ikatu 'ym ma'e wà, wanehe uzepyk 'ym pà wà. Wata ywytuàiw myter pe. Ywàkun nuzawy kwaw ywy ku'i kwer ipy iwy pe har wà. Umuzeupir upy pupe wata mehe.

Habacuque 3:10

Ywytyruhu nerexak wà. Na'e uryryryryz wà. U'ar amo 'y tyapu ma'e ywak wi. 'Y ywy iwype har okororo wà. 'Ykotok aiha katu ma'e upu'àm wà.