Jó 36:24 - Tupàn zeꞌeg

²⁴ Teko ywy nànànar umume'u ikatu haw hemiapo kwer hexak mehe wà. Ne nehe no, emume'u ikatu haw nehe no. Nereharaz zo izuwi nehe.

Jó 36:24 ပူးပေါင်းရင်းမြစ်များ

1 Crônicas 16:9

Pezegar Tupàn pe nehe, ikatu haw imume'u pà izupe nehe. Peze'eg hemiapo kwer ikatuahy ma'e rehe nehe.

Jó 36:25

Aze zaiko muite izuwi, nezewe rehe we xixak. Tupàn hemiapo ikatuahy zanewe.

Salmos 104:24

O Tupàn Tuweharupi Wiko Ma'e, erezapo ma'e tetea'u ne wà. Nema'ekwaw katu haw rupi erezapo ne wà. Ywy tynehem neremiapo kwer wapupe a'e.

Salmos 107:15

Tuwe umume'u Tupàn Tuweharupi Wiko Ma'e ipuruamutar katu haw ikatu haw izupe nehe. Tuwe umume'u hemiapo kwer ikatu haw nehe no. Uzapo a'e ma'e wanupe a'e.

Salmos 107:8

— Nepuruamutar katu haw ikatu, tuwe i'i Tupàn Tuweharupi Wiko Ma'e pe wà. Tuwe umume'u hemiapo kwer ikatuahy ma'e wà nehe. Uzapo a'e ma'e wanupe a'e.

Salmos 111:8

Nupaw pixik kwaw ize'eg nehe, ta'e azeharomoete a'e xe. Ikatu a'e no.

Salmos 138:5

Ne Tuweharupi Wiko Ma'e ne. A'e tuwihawete umuzàg putar neremiapo kwer ikatu haw rehe zegar haw wà nehe, ta'e nekàgaw nepuràg eteahy haw uhua'u a'e xe.

Salmos 28:5

Na'ipurukwaw wer kwaw Tupàn Tuweharupi Wiko Ma'e hemiapo kwer rehe wà. Nume'e kwaw hemiapo kwer ikàg ma'e wà. A'e rupi uzepyk putar wanehe nehe. Umumaw putar azeharomoete a'e wà nehe. Nuzewyr kwaw wà nehe.

Salmos 34:3

Pemume'u Tupàn Tuweharupi Wiko Ma'e uhua'u haw herehe we nehe. Pemume'u ikatu haw heinuinuromo nehe.

Salmos 59:16

Nezewe rehe we ihe azegar putar nekàgaw rehe ihe nehe. Ku'em mehe amume'u putar nepuruamutar katu haw wahy haw rupi nehe, Ta'e ereiko hemimaw romo ne xe. Ma'erahy ipuraraw mehe apuner hezeàmimaw rehe nerehe ihe.

Salmos 72:18

Pemume'u Tupàn Tuweharupi Wiko Ma'e ikatu haw, Izaew wazar ikatu haw nehe, Ta'e a'e ikatuahy ma'e iapo har romo hekon a'e xe.

Êxodo 15:1

Na'e Moizez a'e, Izaew izuapyapyr a'e wà no, uzegar Tupàn Tuweharupi Wiko Ma'e pe ko zegar haw imuzàg pà a'e wà kury. Azegar putar Tupàn Tuweharupi Wiko Ma'e pe nehe, ta'e weityk tuwe wàmàtyry'ymar a'e wà xe. Kawaru a'e wà, zauxiapekwer iku'az har a'e wà no, Tupàn weityk yryhu pupe a'e wà.

Jeremias 10:12

Tupàn Tuweharupi Wiko Ma'e uzapo ywy upuner haw rupi. Uma'e kwaw katu haw pupe uzapo ywy paw rupi. Uma'e kwaw paw pupe upupirar ywak pàn teko izewànaw ài.

Daniel 4:3

Xo upuner katu ma'e upuner agwer ma'e iapo haw rehe. Hemiapo kwer upurumupytuhegatu kar no. Ta'e tuwihawete tuweharupi àràm romo hekon a'e xe. Nupaw pixik kwaw ipureruze'egaw nehe.

Daniel 4:37

A'e rupi, ihe tuwihawete Namukononozor ihe, amume'u tuwihawete ywate har ikatu haw ihe. Amume'u ikatu haw. Amume'u ipuràg eteahy haw no. Hemiapo paw ikatu. Ikatuahy. Upuner wyzài teko wiko wera'u ma'e imuigo kar haw rehe ikàg 'ym ma'e romo a'e wà.

Lucas 1:46

Na'e Mari i'i izupe a'e no.

Deuteronômio 4:19

Ywak rehe peme'e mehe pemuwete zo hehe har pe wà nehe: ni kwarahy, ni zahy, ni zahytata wà. Ta'e Tupàn Tuweharupi Wiko Ma'e Zanezar umuza'aza'ak ywak rehe har amogwer teko wanupe wamono pà wanemimuwete ràm romo a'e wà xe: kwarahy, zahy, zahytata wà.

Apocalipse 15:3

Umuzàg Moizez zegar haw 'àm wà. (Moizez Tupàn ze'eg imume'u har kwehe arer romo hekon a'e.) Umuzàg Àràpuhàràna'yr zàwenugar rehe zegar haw 'àm wà no. Urezar ne, Tupàn Ikàg Wera'u Ma'e ne. Uhua'u neremiapo kwer. Ikatuahy neremiapo kwer. Teko ywy rehe har wanuwihaw romo ereiko paw rupi. Aze erezapo kar ma'e nehe, Ikatu putar a'e ma'e nehe. Aze eremume'u ma'e neremiapo ràm nehe, Erezapo putar tuwe a'e ma'e neremimume'u kwer nehe,

Juízes 5:1

A'e 'ar mehe Nemora a'e, Marak Aminoàw ta'yr a'e no, umuzàg 'aw zegar haw Tupàn pe wà.