Jó 34:4 - Tupàn zeꞌeg

⁴ Nezewegatete zame'egatu putar Izo heko awer rehe zane nehe kury. Xixak ikatu haw nehe. Xixak ikatu 'ymaw nehe no.

Jó 34:4 ပူးပေါင်းရင်းမြစ်များ

Jó 34:3

Teko wenu amo ze'eg ikatu haw henu mehe wà. Ukwaw amo temi'u hete haw i'u mehe wà no.

Jó 34:36

Aze amo ume'egatu ize'eg awer rehe wà nehe, Wexak putar heko haw wà nehe. Iaiw ma'e romo hekon a'e.

Jó 34:5

— Naiko kwaw ikatu 'ym ma'e iapo har romo ihe, i'i Izo iko. — Tupàn na'ipurumur wer kwaw hekatu haw hekuzar rehe ihewe, i'i iko.

João 7:24

Pema'enukwaw katu ko heze'eg rehe nehe. — Ikatu 'ym ma'e erezapo iko ne, peze zo tàrityka'i amo pe nehe, hemiapo kwer hexak mehe nehe. — Ma'in putar Tupàn neremiapo kwer rehe a'e nehe, peze izupe nehe. Ta'e Tupàn na'ima'enukwaw kwaw ma'e rehe teko wazàwe a'e xe.

Romanos 12:2

Peiko zo ikatu 'ym ma'e iapo har wazàwe nehe. Tuwe Tupàn pemuigo kar amo ae ma'e ipyahu ma'e romo a'e nehe. Tuwe pepy'a upytu'u ikatu 'ym ma'e iputar ire nehe. Tuwe umupyahu kar pema'enukwaw paw nehe, imukatu pà nehe. Xo nezewe mehe zo pekwaw putar Tupàn hemiapo putar haw nehe. Pekwaw putar ikatu ma'e iapo haw nehe no, Tupàn imurywete kar pà nehe no. Pekwaw putar ikatuahy ma'e iapo haw nehe no.

1 Tessalonicenses 5:21

Aze ikatu nehe, pezekaiw katu hehe nehe. Aze na'ikatu kwaw nehe, pezekaiw zo hehe nehe. Peruzar zo nehe.

Juízes 19:30

Teko paw a'e ma'e hexak mehe uze'eg nezewe wà. — Naxixak pixik kwaw agwer ma'e zane. Nuzeapo pixik kwaw agwer ma'e ko 'ar 'ym mehe we. Izaew Ezit ywy wi wahemaw henataromo te ko 'ar rehe naxixak kwaw agwer ma'e zane. Pema'enukwaw hehe nehe kury. Ma'e xiapo putar zane nehe kury, i'i Izaew uzeupeupe wà.

Juízes 20:7

Pe xe uzemono'og ma'e kwer paw pe, peiko Izaew izuapyapyr romo pe. Ma'e xiapo putar nehe kury. Ximume'u katu zaneremiapo ràm zane nehe kury, i'i wanupe.