Jó 34:32 - Tupàn zeꞌeg

³² — Exak kar hekatu 'ymaw ihewe nehe, aipo ere izupe. — Apytu'u putar ikatu 'ym ma'e iapo re nehe kury, aipo ere izupe.

Jó 34:32 ပူးပေါင်းရင်းမြစ်များ

Gênesis 38:26

Ukwaw Zuta uma'e hexak mehe. — Azeharomoete ize'eg a'e. Amume'u hera'yr Xera pe hemireko ràm romo ihe. Nazapo kwaw ma'e heze'eg awer rupi. A'e rupi uzepyk kwez herehe nezewe a'e kury, i'i a'e pe har wanupe. Nuker wi kwaw ipuhe.

Jó 10:2

O Tupàn, ezepyk zo herehe nehe. Emume'u heremiapo kwer ikatu 'ym ma'e ihewe nehe.

Jó 33:27

Uze'eg putar nezewe teko paw wanupe nehe. — Azapo ikatu 'ym ma'e ihe. Hemunar amo ma'e rehe no. Nezewe rehe we Tupàn nuzepyk kwaw herehe.

Jó 34:31

Izo, — Azapo ikatu 'ym ma'e ihe, aipo ere Tupàn henataromo. — Apuraraw ma'erahy tetea'u, ta'e ikatu 'ym ma'e iapo har romo aiko ihe xe, aipo ere izupe. — Nazapo wi kwaw nehe, aipo ere izupe.

Jó 35:11

Nezewe rehe we nuzewyr kwaw izupe wà. Tupàn umuigo kar teko ma'e kwaw katu har romo a'e wà. Ukwaw katu ma'e wiràmiri wanuwi wà, ma'ea'yr wanuwi wà no.

Salmos 19:12

Mo upuner wemiawy kwer hexakaw rehe. Hemukatu pe nehe, hezar, heremiawy kwer heremixak 'ym wanuwi nehe.

Salmos 19:13

Hemunyryk kar pe ikatu 'ygwer wi nehe, Heremimutar rupi heremiapo kwer wi nehe. Emuigo kar zo hezar romo nehe. Nezewe mehe naiko kwaw nereruzar 'ymar romo ihe nehe. Naiko kwaw iaiw ma'e romo nezewe ihe nehe.

Salmos 32:8

Tupàn Tuweharupi Wiko Ma'e uze'eg ihewe. — Urumu'e putar pe neho àwàm rehe ihe nehe. Aexak kar putar neho àwàm nehe. Akwaw kar putar neremiapo ràm nehe no.

Provérbios 28:13

Wemiapo kwer ikatu 'ym ma'e imimaw rehe uzeagaw ma'e nuiko katu kwaw a'e nehe. Aze amo umume'u wemiapo kwer ikatu 'ym ma'e wà, aze utyryk izuwi wà, Tupàn upuhareko a'e wà.

Jeremias 8:6

Azeapyaka katu peze'eg rehe. Napemume'u kwaw azeharomoete har. Ni amo nuzemumikahy kwaw wemiapo kwer ikatu 'ym ma'e rehe wà. — Ma'e ikatu 'ym ma'e azapo ihe, ni'i kwaw amo wà. Pitàitàigatu wata oho wape rupi wà. Nuzawy kwaw kawaru zeàmàtyry'ymawhu pe uzàn ma'e wà.

Oséias 14:8

Teko Izaew uze'eg putar nezewe wà nehe. — Na'ikatu pixik kwaw tupàn a'ua'u wà, i'i putar wà nehe. Ihe Tupàn Tuweharupi Wiko Ma'e ainu katu heremiaihu waneminoz ihe. Ihe azekaiw katu wanehe ihe. Aiko ywyra pin 'yw her ma'e ài. Teko upyta he'àg rehe wà. Amono ikatu ma'e paw purupe ihe no, i'i Tupàn.

Números 22:34

Na'e Màrààw uze'eg Tupàn heko haw pe har pe kury. — Azapo ikatu 'ym ma'e Tupàn henataromo. Nakwaw kwaw pe rupi nereko haw hemupytu'u kar har romo. Aze hemuzewyr kar kutàri nehe, azewyr putar hereko haw pe nehe.

Efésios 4:22

Pezapo wi wi zo penemiapo kwer kwehe arer ikatu 'ym ma'e nehe. Pepy'a pe pema'enukwaw pawer kwehe arer a'e, uzapo kar ikatu 'ym ma'e peme tuweharupi a'e. Pepuir izuwi nehe kury. Ta'e pemuaiw iko a'e xe. Ta'e hemu'em peme a'e xe, ikatu 'ym ma'e iapo kar pà peme a'e xe. — Aze erezapo ikatu 'ym ma'e nehe, nerurywete putar nehe, i'i mua'u iko newe.