Jó 34:26 - Tupàn zeꞌeg

²⁶ Katu pe teko wanenataromo, Tupàn uzepyk wanehe a'e, imunar ma'e romo wiko ma'e ài a'e.

Jó 34:26 ပူးပေါင်းရင်းမြစ်များ

Jó 36:6

Numuigo wiwi kar kwaw ikatu 'ym ma'e wà. Wereko katu hemetarer 'ym ma'e wà.

Jó 38:13

Aipo amo 'ar mehe eremuhàmuhàz tatainy ywy rehe. Aipo nezewe haw iapo mehe eremutuhug iaiw ma'e ne wà, Wazeàmimaw wi wamuhem kar pà ne wà.

Salmos 11:5

Amo teko weruzar Tupàn Tuweharupi Wiko Ma'e a'e wà. Tupàn ume'e wanehe a'e. Ume'e ikatu 'ym ma'e wanehe no. Teko upurumuahy ma'e wà, upuruzuka ma'e wà no, Iro tuwe izupe wà.

Salmos 9:5

Eremume'u nerehe uzeruzar 'ym ma'e wanemiapo kwer. Eremumaw teko ikatu 'ym ma'e ne wà. Teko na'ima'enukwaw pixik kwaw a'e teko wanehe wà nehe.

Êxodo 14:30

A'e 'ar mehe Tupàn Tuweharupi Wiko Ma'e upyro Izaew Ezit ywy rehe har wanuwi a'e wà. Izaew wexak Ezit ywy rehe har umàno ma'e kwer paw yryhu iwyr ywyxig rehe wanuz mehe wà.

Isaías 1:28

Umumaw putar ize'eg heruzar 'ymar paw wà nehe, ikatu 'ym ma'e iapo har paw wà nehe no. Umumaw putar uzewi utyryk ma'e paw wà nehe no.

Isaías 66:24

A'e re uhem putar tawhu wi umàno ma'e kwer wanetekwer wanexak pà wà nehe. Umàno a'e teko wà, ta'e upytu'u hereruzar ire wà xe. Amirikur a'e teko wanetekwer i'u har numàno pixik kwaw wà nehe. Tata a'e teko wanapy har nuwew pixik kwaw nehe no. Wikuwe ma'e paw ihuhuk wer putar wanexak mehe wà nehe. Ihe Tupàn Tuweharupi Wiko Ma'e aze'eg kwez ihe kury. Upaw.

Ezequiel 16:41

Umunyk putar tata neràpuz rehe imumaw pà wà nehe. Wexak kar putar nerehe uzepykaw kuzà tetea'u wanupe wà nehe. Ihe urumupytu'u kar putar kuzàwyzài romo nereko re ihe nehe. Urumupytu'u kar putar ma'e nepuhe har wanupe ma'e imono re ihe nehe no.

Deuteronômio 21:21

Na'e awakwer a'e taw pe har uzuka putar ta'yr ita tetea'u pupe iapiapi pà wà nehe. Nezewe mehe pezo'ok putar katu 'ymaw teko wamyter wi nehe. Teko paw ukwaw putar uzeapo ma'e kwer wà nehe. A'e rupi ukyze putar wà nehe.

1 Timóteo 5:20

Uzeruzar ma'e waneruze'egar a'e, aze ikatu 'ym ma'e uzapo a'e nehe, aze nupytu'u kwaw iapo re nehe, eze'eg ahyahy izupe nehe, uzeruzar ma'e wanuwa rupi nehe, imupytu'u kar pà nezewe haw iapo re nehe. A'e rupi amogwer ukyze putar Tupàn wi a'e wà nehe. Ta'e aze uzapo ikatu 'ym ma'e a'e wà nehe, a'e mehe waneruze'egar uze'eg ahyahy putar wanupe a'e nehe no, uzeruzar ma'e wanuwa rupi a'e nehe no.

Apocalipse 18:20

Pe ywak rehe har pe, penurywete nehe, ta'e Tupàn uzepyk hehe kury xe. Pe Tupàn hemiruze'eg pe, penurywete nehe no. Pe Tupàn hemimono karer pe, penurywete nehe no. Pe Tupàn ze'eg imume'u har pe, penurywete nehe no. Ta'e Tupàn uzepyk tawhu rehe kury xe, ta'e kwehe mehe a'e taw pe har upuraraw kar ma'erahy peme a'e wà xe.