Jó 34:24 - Tupàn zeꞌeg

²⁴ Aze ipurumumaw wer amo upuner ma'e wanehe, aze iporomono wer amo tuwihaw wanehe a'e tuwihaw wanekuzaromo nehe, Nume'egatu kwaw waneko haw rehe wamumaw 'ym mehe we. Umumaw 'ar wemimutar mehe wà.

Jó 34:24 ပူးပေါင်းရင်းမြစ်များ

1 Reis 14:14

Tupàn Tuweharupi Wiko Ma'e umuigo kar putar amo ae awa Izaew wanuwihawete romo a'e nehe. A'e awa umumaw putar Zeromoàw iànàm paw a'e wà nehe. Ko ma'e uzeapo iko ko 'ar rehe kury.

Jó 12:19

Tupàn umunyryk kar xaxeto wama'ereko haw wi wà. Weityk upuner ma'e wà no.

Jó 19:2

Màràn 'ar pemumaw putar peze'egahy pà ihewe nehe, Hekutuk pà peze'eg pupe nehe.

Salmos 2:9

Erezuhazuhaw putar ywyràihàg itaper iapo pyrer pupe ne wà nehe. Erezukazuka putar ywy'a ài ne wà nehe, i'i Tupàn ihewe, i'i tuwihawete.

Salmos 72:4

Tuwe tuwihawete na'imunar kwaw wama'e rehe teko waneruze'eg mehe nehe. Tuwe upytywà ma'e hereko 'ymar wà nehe no. Tuwe weityk teko wanemetarer rehe imunar ma'e wà nehe no.

Salmos 94:5

O Tupàn Tuweharupi Wiko Ma'e. A'e teko uzuhazuhaw neremiaihu a'e wà. Imunar neremiruze'eg wama'e wanehe wà.

Daniel 11:19

Xir wanuwihawete uzewyr putar tawhu tàtà ma'e uiwy rehe har waàmàtyry'ym pà wà kury. Nupuner kwaw nehe. Amo uzuka putar nehe. A'e re ni amo nuze'eg pixik kwaw hehe wà nehe.

Daniel 2:21

Ne ererur kwarahy. Eremugyr kar àmàn no. Eremuigo kar awa teko wanuwihawete romo ne wà. Ereityk ne wà no. Eremono ma'e kwaw katu haw awa ma'e kwaw katu har wanupe. Eremono ma'e kwaw paw awa ma'e kwaw par wanupe no.

Levítico 19:20

Aze awa umume'u amo uzeupe uma'ereko e ma'e amo awa pe hemireko ràm romo nehe, aze nomono kwaw izupe a'e rihi, aze ru'u izar ràm numekuzar kwaw a'e rihi, aze izar uker oho a'e kuzà puhe nehe, pezepyk a'e awa rehe nehe. Pezepyk a'e kuzà rehe nehe no. Pezuka zo pe wà nehe, ta'e awa numuhem kar kwaw a'e rihi xe.

1 Samuel 15:28

I'i Xamuew izupe. — Eremu'i hekamir kwez ihewi ty. Nezewegatete kutàri Tupàn umu'i Izaew wanuwihawete romo nereko haw kwez newi a'e no. Omono kwez amo ae awa newi ikatu wera'u ma'e pe kury. A'e awa wiko putar tuwihawete romo nerekuzaromo nehe.