Jó 34:23 - Tupàn zeꞌeg

²³ — Amume'u putar neremiapo kwer nehe. Ma'e 'ar mehe erezur putar herenataromo nehe, heremimume'u ràm henu pà nehe, ni'i kwaw Tupàn teko wanupe.

Jó 34:23 ပူးပေါင်းရင်းမြစ်များ

Esdras 9:13

Erezepyk urerehe ureremiapo kwer ikatu 'ym ma'e hekuzaromo ne, iaiw ma'e tetea'u imuzeapo kar pà urewe ne. Uhua'u ureremiapo kwer ikatu 'ym ma'e. Nezewe rehe we urukwaw ko ma'e ure. Urerehe nezepyk awer ipixika'i wera'i urekatu 'ymaw wi. Na'urezuka kwaw pe ne. Uremuigo kar wiwi pe ne.

Jó 11:11

Tupàn ukwaw teko ikatu 'ym ma'e wà. Tuweharupi wexak wakatu 'ymaw.

Jó 11:6

Nemu'e mo ma'ekwaw katu haw rehe a'e. Ta'e heta ma'e temigwaw 'ym tetea'u xe, ma'e imume'u haw inuromo xe. Nezewe mehe mo erexak Tupàn nerehe izepykaw. Nerehe izepykaw ipixika'i. Upuner mo zepykaw uhua'u ma'e pupe nerehe uzepykaw rehe, ta'e uhua'u neremiapo kwer ikatu 'ym ma'e xe.

Jó 16:21

Awa umume'u umyrypar ikatu haw tàmuz wanenataromo a'e. Nezewegatete aputar hekatu haw Tupàn henataromo imume'u àràm ihe no.

Jó 23:7

Aiko awa imunar 'ym ma'e romo ihe. Apuner mo hekatu haw imume'u haw rehe izupe. Nezewe mehe — Ikatu ma'e romo ereiko ne, i'i mo ihewe azeharomoete.

Jó 34:24

Aze ipurumumaw wer amo upuner ma'e wanehe, aze iporomono wer amo tuwihaw wanehe a'e tuwihaw wanekuzaromo nehe, Nume'egatu kwaw waneko haw rehe wamumaw 'ym mehe we. Umumaw 'ar wemimutar mehe wà.

Jó 9:3

Mo upuner Tupàn pe ukatu haw imume'u haw rehe. Tupàn upuner miw puranu haw iapo haw rehe. Ni amo nupuner kwaw ipuranu haw iwazar haw rehe wà.

Salmos 119:137

Nekatuahy, o Tupàn Tuweharupi Wiko Ma'e. Neze'eg ikatuahy.

Isaías 42:3

Nuzuhazuhaw kwaw ni pitài ywyra hàkàgwer imonohok pyrer nehe. Numuwew kwaw tatainy heny katu 'ym ma'e nehe. Umume'u katu putar heremimutar nehe.

Jeremias 2:5

Nezewe uze'eg iko. — Ma'e ikatu 'ymaw peipy wexak herehe wà. Màràzàwe tuwe hereityk wà. Umuwete tupàn a'ua'u ma'e iapo 'ymar wà. A'e ae uzeapo ikatu ma'e iapo 'ymar romo wà.

Romanos 9:20

A'e mehe a'e putar peme kury. Ywy'a nupuranu kwaw wapo arer rehe a'e. — Màràzàwe tuwe nezewe heapo pe ra'e, ni'i kwaw izupe. — Aipo erepuranu e putar neapo har rehe nehe, a'e peme kury.