7 A'e rupi ekyze zo ihewi nehe. Nuruzuhaw kwaw ihe nehe.
Erezepyk iko herehe. Epytu'u kury. Epytu'u hemukyze kar ire.
Aenu amo ma'e neremimume'u kwer ihe.
Tupàn nuiko kwaw teko romo hezàwe. A'e rupi napuner kwaw ize'eg iwazar haw rehe izupe. Nurupuner kwaw urezeàmàtyry'ymaw imukatu haw rehe tàmuz wanenataromo.
O Tupàn, epytu'u herehe nezepyk ire nehe. Hemynehem kar zo pe nepurumukyzeahy kar haw pupe nehe.
'Aromo nehe, pyhaw nehe no, herehe erezepyk, o Tupàn. Zuwiri ukàzym hakuahy haw kwarahy mehe har rehe a'e. Nezewegatete hekàgaw upaw ihewi a'e.
Nekwahy haw u'ar herehe. Wikwahy ma'e romo nereko haw u'ar he'ar romo. Heàmàtyry'ym awer iaiw ma'e hemumaw tària'i.
