Jó 33:28 - Tupàn zeꞌeg

²⁸ Hepyro hemàno haw wi. Aexak tatainy ihe rihi, i'i putar wanupe nehe.

Jó 33:28 ပူးပေါင်းရင်းမြစ်များ

Jó 17:16

Aipo heremiàro wezyw putar ipupyaikaw pyrer umàno ma'e kwer wapyta haw pe har pe nehe. Aipo upytu'u putar hepyr ywy iwy pe nehe.

Jó 22:28

Neremiapo paw ikatu putar nehe. Tatainy uhyape katu putar nerape rehe nehe.

Jó 3:16

Aze mo hehy hezuka zemim hezexak kar 'ym mehe we a'e. Naikuwe iwer mo ihe. Aiko mo kwarer 'ar hexak 'ymar ài.

Jó 3:20

Màràzàwe tuwe uzemumikahy ma'e wexak wiwi tatainy wà. Màràzàwe tuwe teko nuzuka kwaw upy'a pupe uzemumikahy ma'e wà.

Jó 3:9

Tuwe zahytata izi'itahy har a'e ipytunaw rehe har uwew wà nehe. Tuwe uwàro tatainy nehe. Tuwe tatainy nur kwaw izupe nehe. Tuwe na'iku'em pixik kwaw nehe.

Jó 33:18

Nezewe mehe zanepyro zanemàno àwàm wi. Nazanereityk kar kwaw purupe zanetym àwàm pupe a'e.

Jó 33:20

Ima'eahy ma'e upytu'u uma'uhez re. Na'ipurexak wer kwaw temi'u hete katu wera'u ma'e rehe.

Jó 33:22

Upyta màno haw pe teixe haw huwake. Na'arewahy weraha putar itym àwàm pe wà nehe.

Jó 33:24

Tupàn heko haw pe har upuhareko putar nehe. — Emuhem kar nehe. Emono kar zo umàno ma'e kwer wapyta haw pe nehe, i'i putar Tupàn pe nehe. — Nako ipyro àwàm hekuzar xe hepo pe, i'i putar izupe nehe.

Salmos 103:4

Hepyro hemàno haw wi. Umur uze'egatu herehe heamutar katu pà, ikatu ma'e ihewe imur pà no.

Salmos 107:20

Umukatu uze'eg rupi wà. Upyro wamàno haw wi wà.

Salmos 49:19

Nezewe rehe we umàno mehe uzemono'og putar oho uwipy wainuinuromo nehe. Ipytunahy haw nupaw pixik kwaw a'e pe nehe.

Salmos 55:23

Ne, o Tupàn, ereityk putar Puruzuka ma'e umàno ma'e kwer wapyta haw iwy pe nehe. Numumaw kwaw ukwarahy iku'aw har wiko pà wà nehe. Ihe zote azeruzar putar nerehe nehe.

Salmos 69:15

Hereraha kar zo pe ykotok pe nehe. Hemukàzym kar zo pe 'y typya'u ma'e pupe nehe. Tuwe tywypaw nahemukun kwaw nehe.

Isaías 9:2

Teko ipytunaw rehe wata ma'e wexak tatainy heny katu ma'e wà. Tatainy uhyape katu teko ipytunaw rehe wata ma'e wanupe wà.

Jonas 2:6

Awezyw ywytyruhu hapo pe ihe. Awezyw ywy ukenaw tuweharupi uzewàpytym ma'e pe. Ne hepyro pe hemàno haw wi ne, Tupàn Tuweharupi Wiko Ma'e hezar.

João 11:9

Uze'eg urewe. — Tuweharupi kwarahy uhyape katu ywy rehe a'e. Aze awa wata 'aromo a'e nehe, nu'ar kwaw a'e nehe, ta'e kwarahy uhyape katu hape rupi izupe a'e xe. Nezewegatete Tupàn nahezuka kar kwaw tuwihaw wanupe a'e rihi. Ko 'ar rehe hereko haw nuzawy kwaw 'aromo heata haw ihewe. A'e rupi apuner heata haw rehe wyzài ywy rehe wyzài taw pe ihe. Ta'e Tupàn hemonokatu a'e xe. Hemonokatu haw nuzawy kwaw ywy rehe ihyape katu haw.