Jó 33:18 - Tupàn zeꞌeg

¹⁸ Nezewe mehe zanepyro zanemàno àwàm wi. Nazanereityk kar kwaw purupe zanetym àwàm pupe a'e.

Jó 33:18 ပူးပေါင်းရင်းမြစ်များ

Jó 15:22

Nuàro kwaw umàno haw wi uhem àwàm. Ta'e amo umuhyk utakihe izuka pà xe.

Jó 33:17

Uze'eg zanewe ikatu 'ym ma'e iapo re zanemupytu'u kar pà. — Peiko wera'u zo amo wanuwi nehe, i'i zanewe.

Jó 33:22

Upyta màno haw pe teixe haw huwake. Na'arewahy weraha putar itym àwàm pe wà nehe.

Jó 33:24

Tupàn heko haw pe har upuhareko putar nehe. — Emuhem kar nehe. Emono kar zo umàno ma'e kwer wapyta haw pe nehe, i'i putar Tupàn pe nehe. — Nako ipyro àwàm hekuzar xe hepo pe, i'i putar izupe nehe.

Jó 33:28

Hepyro hemàno haw wi. Aexak tatainy ihe rihi, i'i putar wanupe nehe.

Jó 33:30

Nazanemumàno kar kwaw. Nezewe mehe zaiko wi wi no.

Jó 36:12

Nuzekaiw kwaw Tupàn rehe wà. A'e rupi umàno ma'e ikwaw 'ym pà wà. Uwahaw yrykawhu oho umàno ma'e kwer wapyta haw pupe wixe pà wà.

Joel 2:8

Nuzemuàzààzàn kwaw wà. Pitàitàigatu wata wape rupi wà. Tuweharupi wata waiko oho haw rupi wà. Naheta kwaw wazuka àwàm. Naheta kwaw wamupytu'u kar àwàm.

Romanos 2:4

Tupàn ikatuahy a'e, a'e rupi nuzepyk kwaw teko ikatu 'ym ma'e iapo har wanehe tàrityka'i a'e. Iàrew. Nuikwahy kwaw tàrityka'i, iàrew ikwahy haw teko ikatu 'ym ma'e iapo mehe. Aipo nerezekaiw kwaw ikatu haw rehe ne, ikwahy 'ymaw rehe ne. Tupàn ikatuahy a'e. Nezewe i'i iko newe tuweharupi a'e. — Epytu'u ikatu 'ym ma'e iapo re nehe, ezewyr ihewe nehe, ezemumikahy neremiapo kwer rehe nehe, i'i iko newe. Ipurumuzewyr kar wer nerehe uzeupe a'e.

2 Pedro 3:15

Zanezar nuzepyk kwaw purehe ko 'ar rehe. Pezypyrog heruzar pà na'arewahy nehe. A'e mehe pezepyro putar zepykaw wi nehe. Tupàn ukwaw kar uze'eg Pawru zanerywyr zaneremiamutar pe a'e no. A'e rupi Pawru umume'u agwer ma'e peme a'e no.

2 Pedro 3:9

— Tupàn iàrew iko wemimume'u kwer iapo pà a'e, i'i amo peme wà. Nan kwaw pa. Iàrew purehe uzepyk 'ym pà a'e, ta'e na'iporomono kar wer kwaw purehe tatahu pe a'e xe. Aze teko paw uzemumikahy ikatu 'ym ma'e wemiapo kwer rehe wà nehe, aze upytu'u iapo re wà nehe, Tupàn hurywete putar nehe.