Jó 32:7 - Tupàn zeꞌeg

⁷ Nezewe a'e hezeupe. — Tuwe tua'u ma'e ràgypy uze'eg wà nehe. Wereko kwarahy tetea'u wà. A'e rupi ukwaw katu ma'e wà. Tuwe wexak kar wemigwaw purupe nehe, a'e hezeupe.

Jó 32:7 ပူးပေါင်းရင်းမြစ်များ

2 Crônicas 10:6

Tuwihawete Homoàw uze'eg oho awa tua'uhez wera'u ma'e wanupe. A'e awa wiko tu pe pureruze'egaw imume'u arer romo wà. Upuranu wanehe. — Ma'e a'e putar a'e teko wanupe nehe, i'i wanupe.

Jó 12:12

Tua'uhez ma'e wiko ma'e kwaw katu har romo wà. Ta'e tua'uhez haw werur ma'e kwaw paw purupe xe.

Jó 15:10

Uruzemu'e ma'e rehe tua'uhez ma'e wapyr ure. Uzexak kar neru izexak kar 'ym mehe we wà.

Jó 32:9

Tua'u wera'u ma'e nukwaw wera'u kwaw ma'e kwàkwàmo wanuwi wà. Màràmàrànaw uzawy wà, ikatu ma'e iapo àwàm ikwaw 'ym pà wà.

Salmos 119:100

Akwaw wera'u ma'e awa tua'uhez ma'e wanuwi ihe, Ta'e aruzar neremiapo kar ihe xe.

Provérbios 16:31

Teko imunar 'ym ma'e upyhyk putar weko haw ipuku ma'e wemiapo kwer hekuzaromo wà nehe. Wa'aw xig ma'e nuzawy kwaw àkàg rehe har ipuner haw hexak kar haw wanupe nehe.

Hebreus 5:12

Kwehe peiko uzeruzar ma'e romo. Pepuner mo upurumu'e ma'e romo peneko haw rehe. Napeiko kwaw. Màràzàwe tuwen aipo pa. Napekwaw kwaw Tupàn ze'eg zawaiw 'ym ma'e. Amono kar tàri purumu'e ma'e pepyr ihe.