Jó 31:4 - Tupàn zeꞌeg

⁴ Tupàn ukwaw heremiapo kwer upaw rupi a'e. Wexak heata haw pitàitàigatu no.

Jó 31:4 ပူးပေါင်းရင်းမြစ်များ

Gênesis 16:13

Na'e Agar omono amo ae her Tupàn Tuweharupi Wiko Ma'e pe kury. — Tupàn ma'e hexakar, i'i a'e her pyahu. Omono a'e her izupe ta'e Tupàn uze'eg wà izupe a'e xe. Ta'e upuranu uzehe nezewe a'e xe. — Aze ru'u aexak herexakar ihe. Aipo aexak tuwe ihe, i'i uzeupe, uzehe upuranu pà.

2 Crônicas 16:9

Tupàn Tuweharupi Wiko Ma'e ume'e ywy rehe uzeapo ma'e nànàn. Nezewe mehe omono ukàgaw hehe uzeruzar ma'e azeharomoete har wanupe a'e. Ko 'ar rehe erezapo neranaiw haw. A'e rupi ko 'ar henataromo ereiko putar zeàmàtyry'ymawhu inuromo tuweharupi nehe, i'i Anani Az pe.

Jó 11:11

Tupàn ukwaw teko ikatu 'ym ma'e wà. Tuweharupi wexak wakatu 'ymaw.

Jó 14:16

Erezekaiw putar herehe iawy haw iapo kar 'ym pà ihewe nehe. Nereiko kwaw herehe neme'e pà heremiapo ikatu 'ym ma'e hekar pà nehe.

Jó 23:10

Nezewe rehe we Tupàn ukwaw heata haw pitàitàigatu a'e. Aze heragaw nehe, — Heko haw nuzawy kwaw or ikatuahy ma'e, i'i putar ihewe nehe.

Jó 24:23

Tupàn umuigo kar wà, ikatu 'ymaw imunyryk kar pà wanuwi wà. Nezewe rehe we ume'egatu wanehe.

Jó 28:24

Ta'e wexak ywy muite wera'u har a'e xe. Wexak ma'e ko ywy rehe uzeapo ma'e paw rupi katete a'e no.

Jó 31:37

Amume'u putar heremiapo kwer paw rupi Tupàn henataromo nehe. Azurupu'àm putar henataromo nehe.

Jó 34:21

Ukwaw zaneremiapo upaw rupi a'e. Wexak zaneata haw paw rupi no.

Jó 36:7

Tupàn uzekaiw katu awa ikatu ma'e wanehe wà. Umuigo kar tuwihawete romo wà. Tuweharupi wiko putar upuner ma'e romo wà nehe.

Salmos 44:21

erekwaw mo ureremiapo kwer, Ta'e erekwaw teko wama'enukwaw paw wapy'a pe har ne wà xe.

Provérbios 15:3

Tupàn Tuweharupi Wiko Ma'e wexak ma'e ywy nànàn uzeapo ma'e paw a'e. Ume'e teko paw wanehe, ikatu ma'e wanehe, ikatu 'ym ma'e wanehe no.

Provérbios 5:21

Tupàn ukwaw neata haw. Wexak neremiapo paw no.

Jeremias 16:17

Aexak wanemiapo paw rupi ihe. Ni amo ma'e nuzemim kwaw ihewi wà. Wanemiapo kwer ikatu 'ym ma'e nuzemim kwaw ihewi.

Jeremias 32:19

Nema'enukwaw uhua'u ma'e iapo àwàm rehe. Erezapo ikatuahy ma'e. Erexak teko wanemiapo paw rupi. Erereko teko wanemiapo hekuzaromo waneko haw hekuzaromo ne wà.

Daniel 5:23

— Apuner wera'u ywak rehe har wanuwihawete wi ihe, ere nezeupe. Ererur kar kanek Tupàn ràpuzuhu wi herur pyrer ne. — Ihe ihe, hereminoz wà nehe no, wanemireko wà nehe no, wanemirekoagaw wà nehe no, ximono putar win a'e kanek pupe i'u pà zane nehe, ere wanupe. Eremuwete netupàn a'ua'u ne wà no: parat iapo pyrer wà, or iapo pyrer wà no, morog iapo pyrer wà no, itaper iapo pyrer wà no, ywyra iapo pyrer wà no, ita iapo pyrer wà no. Nuexak kwaw ma'e wà. Nuenu kwaw ma'e wà. Nukwaw kwaw ma'e wà. Neremume'u kwaw Tupàn ikatu haw. Neremume'u kwaw ipuràg eteahy haw. A'e ae upuner a'e. Upuner teko wazuka haw rehe. Upuner wamuigo kar haw rehe. A'e ae umume'u newe uzeapo ma'e ràm a'e no.

João 1:48

Wenu Natanaew ize'eg mehe. A'e rupi upuranu hehe. — Màràzàwe mehe tuwe hekwaw pe ne. Naherexak pixik kwaw pe ne, i'i izupe. — Piri nerenoz 'ym mehe uruexak kwez ihe, ma'ywa'yw iwy pe nereko mehe ihe, i'i Zezuz izupe.

Hebreus 4:13

Teko nupuner kwaw ni pitài ma'e imimaw rehe Tupàn wi a'e wà. Wexak ma'e paw rupi katete a'e. Ukwaw zaneremiapo kwer paw rupi katete no. A'e rupi peiko zo zaneipy wazàwe nehe. Nuweruzar kwaw Tupàn ze'eg wà. Peruzar katu ize'eg nehe. A'e rupi peixe putar ipyr nehe, pepytu'u pà nehe.