Jó 31:31 - Tupàn zeꞌeg

³¹ Hereminozgwer umai'u katu heràpuz me wiko mehe wà. Ihewe uma'ereko ma'e ukwaw wamai'u katu haw wà.

Jó 31:31 ပူးပေါင်းရင်းမြစ်များ

Jó 19:15

Heràpuz me upyta ma'e imaranugar ihewi wà. Nuzawy kwaw hekwaw 'ymar wà. Ihewe uma'ereko ma'e herereko amo ae ywy rehe har ài wà.

Jó 19:22

Màràzàwe tuwe pepurapo wer ikatu 'ym ma'e rehe ihewe Tupàn ài. Màràzàwe tuwe napepytu'u kwaw ma'erahy ihewe ipuraraw kar ire.

Jó 22:7

Neremono kwaw 'y teko ikene'o ma'e wanupe. Neremono kwaw temi'u teko ima'uhez ma'e wanupe.

Jó 29:16

Aiko hemetarer 'ym ma'e wanu romo. Aiko amo ywy rehe arer wapyro har romo no.

Jó 30:25

Aipo nazai'o kwaw amo teko wanehe we ma'erahy ipuraraw mehe ihe. Aipo napuhareko kwaw hemetarer 'ym ma'e ihe wà.

Jó 31:32

Namuger kar pixik kwaw amo ae ywy wi ur ma'e kwer nahu rupi ihe wà. Wata ma'e uker heràpuz me tuweharupi wà.

Salmos 27:2

Heàmàtyry'ymar ikatu 'ym ma'e hekutyr wanur mehe, Hezuka haw rehe uzeagaw mehe, Uzepyapi u'ar pà wà.

Salmos 35:25

Emuze'eg kar zo nezewe ne wà nehe. — Ximumaw zane. Nezewe haw xiputar zane, i'i wer wà. Tuwe ni'i kwaw nezewe wà nehe.

Provérbios 1:18

Arapuk zàwenugar a'e awa uzapo waiko wà. A'e ae uzezuka kar putar oho ipupe wà nehe.

Isaías 58:10

Aze pemono temi'u ima'uhez ma'e wanupe nehe, aze pepytywà ma'e hereko 'ymar nehe, hepuruamutar katu haw heny katu putar nehe. Peiko pytunaw rehe. A'e pytunaw nuzawy kwaw kwarahy heny haw zanemyter pe hin mehe har nehe.

1 Samuel 24:10

Kutàri Tupàn nemur kwez ihewe itakwaruhu pe nereko mehe a'e. Erepuner hekatu haw hexakaw rehe kury, ta'e apuner mo nezuka haw rehe ihe xe. — Ezuka nehe, i'i amo ihewe wà. Nahepuruzuka wer kwaw nerehe ihe. Nazapo pixik kwaw ikatu 'ym ma'e Tupàn hemixak kwer pe ihe, tuwihawete pe ihe.

1 Samuel 24:4

A'e rupi hehe we har uze'eg Tawi pe wà. — Tupàn umur newe ty, i'i izupe wà. — Amur putar neàmàtyry'ymar newe nehe. Erepuner wyzài ma'e iapo haw rehe izupe nehe, i'i Tupàn newe a'e, i'i izupe wà. A'e rupi upuze Tawi oho iko mewe katu a'e, Xau ipytu'u haw pe a'e. Omonohok ikamir pehegwer izuwi takihe pupe. Nukwaw kwaw Xau imonohok mehe.

1 Samuel 26:8

Na'e uze'eg Amizaz Tawi pe. — Kutàri pyhaw Tupàn umur neàmàtyry'ymar kwez nepo pe kury. Tuwe akutuk Xau ipurukutukaw pupe ihe nehe. Akutuk putar ywy rehe pitài ikutukaw rupi ihe nehe. Ni mokoz ikutukaw nazapo kwaw nehe, i'i Tawi pe.