Jó 31:20 - Tupàn zeꞌeg

²⁰ Amono kamir purumuaku katu ma'e izupe, Hereimaw àràpuhàràn wanawer kamir romo iapo pyrer amono izupe. Ipyhyk ire umume'u tuwe hekatu haw.

Jó 31:20 ပူးပေါင်းရင်းမြစ်များ

Jó 22:6

Kwehe mehe, aze amo neywy rehe har wenoz temetarer newe wà, — Ezar nekamir hepo pe hekuzaromo nehe. Heremetarer imuzewyr mehe amono wi putar newe nehe, ere wanupe. Wiko ikamir 'ym ma'e romo a'e 'ar mehe wà.

Jó 29:11

Heze'eg henu arer umume'u heze'eg awer ikatu haw ihewe wà. Herexak arer uze'egatu herehe wà no.

Jó 29:13

Teko ma'e hereko 'ymar umur uze'egatu herehe wà. Kuzà imen umàno ma'e kwer hurywete wà, ta'e apytywà ihe wà xe.

Jó 31:19

Aze amo umàno etea'i tuwixàgaw wi ukamir 'ym pà, Aze amo hemetarer 'ym ma'e nuwereko kwaw uzewànaw,

Jó 31:21

Aze amo 'ar mehe tàmuz upetek kar amo tu 'ym ma'e ihewe wà, Aze a'e rupi apetek,

Provérbios 27:26

A'e mehe emono'og nereimaw àràpuhàràn hawer inemo romo iapo pà y'ym pupe nehe. Epyahaw pàn nekamir romo neropoz romo iapo pà nehe no. Eme'eg amo àràpuhàrànete a'ya'yr amo pe wà nehe. Hekuzarer rehe eme'eg kar amo ywy nehe.

Isaías 58:7

Agwer pezekwaku haw ikatuahy ihewe: Pemuza'aza'ak penemi'u ima'uhez ma'e wanupe ikurer imono pà nehe. Pemuixe kar ma'e hereko 'ymar penàpuz me pe wà nehe. Pemuixe kar hàpuz 'ym ma'e penàpuz me pe wà nehe no, wamuger kar pà wà nehe. Pemono kamir ikamir 'ym ma'e wanupe nehe. Pepytu'u pixik zo peànàm wapytywà re nehe.

Ezequiel 18:16

Nupuraraw kar kwaw ma'erahy ma'e hereko 'ymar wanupe. Na'imunar kwaw wama'e rehe. Aze upyhyk ma'e amo wi wemetarer hekuzaromo, — Heremetarer ihewe imuzewyr mehe amono putar nema'e newe nehe, aze i'i izupe, wemetarer ipyhyk wi mehe umuzewyr kar ima'e izupe. Omono temi'u ima'uhez ma'e pe. Omono kamir kamir 'ym ma'e pe no.

Zacarias 7:9

— Ihe Tupàn Ikàg Wera'u Ma'e ihe. Azapo kar ko ma'e teko wanupe kwehe mehe ihe. — Peiko imunar 'ym ma'e romo hemu'em 'ym ma'e romo nehe. Pezapo ikatu ma'e pezeupeupe pezeamutamutar haw rehe nehe, pezepuhareko haw rehe nehe.

Deuteronômio 24:13

Emuzewyr izar pe kwarahy heixe 'ym mehe we nehe. Nezewe mehe heta putar izewànaw izupe pyhaw nehe. Umume'u putar nekatu haw nehe. Neremiapo kwer ikatu putar Tupàn Tuweharupi Wiko Ma'e Zanezar henataromo nehe no.