Jó 31:2 - Tupàn zeꞌeg

² Aze mo azuhaw heremimume'u kwer, Ma'e Tupàn umur ihewe hekuzaromo. Aipo Tupàn upuner wera'u ma'e umur mo uze'egatu ihewe ywak wi a'e.

Jó 31:2 ပူးပေါင်းရင်းမြစ်များ

Jó 16:19

Heta hekatu haw imume'u har ywak rehe. Akwaw heta haw. Tupàn pe herekuzaromo uze'eg ma'e wiko a'e pe a'e.

Jó 20:29

Nezewe haw Tupàn uzapo iaiw ma'e wanupe. Omonokatu agwer ma'e imono pà ikatu 'ym ma'e wanemiapo kwer hekuzaromo.

Jó 21:17

Aze naxiputar kwaw tatainy, ximuwew. Màràn mehe Tupàn umuwew putar iaiw ma'e waneko haw wanuwi nehe. Màràn haw amo u'ar iaiw haw pupe. Aipo amo 'ar mehe Tupàn wikwahy ma'erahy ipuraraw kar pà wanupe.

Jó 25:2

Tupàn upuner katu a'e. Tuwe teko ukyze izuwi wà nehe. Omono zeàmàtyry'ym 'ymaw ywak rehe.

Jó 27:13

Amume'u putar Tupàn upuner wera'u ma'e hemiapo peme nehe kury. Uzepyk awa ikatu 'ym ma'e wanehe a'e, upuruzuka ma'e wanehe a'e no.

Números 16:30

Aze uzapo amo ma'e temixak 'ym nehe, aze ywy uzepe'a 'aw teko imokon pà nehe, aze omokon wama'e paw nehe no, aze wikuwe umàno ma'e kwer wapyta haw pe oho mehe wà nehe, pekwaw putar 'aw awa Tupàn Tuweharupi Wiko Ma'e heityk arer romo waneko haw nehe.

Hebreus 13:4

Aze awa hemireko nehe, aze kuzà imen nehe, pemuawate katu wazereko haw nehe. Aze awa hemireko nehe, tuwe noho kwaw amo ae kuzà puhe nehe. Aze kuzà imen nehe, tuwe noho kwaw amo ae awa puhe nehe. Aze awa oho wemireko 'ym puhe nehe, Tupàn uzepyk putar hehe nehe. Aze kuzà oho umen 'ym puhe nehe, Tupàn uzepyk putar hehe nehe. Tupàn uzepyk putar kuzàwyzài wanehe nehe. Tupàn uzepyk putar kuzàwyzài puhe oho ma'e wanehe nehe no.