30 Hepir ipihun kury. Heretekwer ukaz taku haw rehe.
— Hetymaw wiko heru romo, a'e putar nehe. Merua'yr wiko hehy romo wà, hereinyr romo wà.
Na'e Zurupari uhem Tupàn Tuweharupi Wiko Ma'e henatar wi kury. Omono perew tetea'u Izo hetekwer rehe. Upyk ipy wi te iàkàg rehe.
Pyhaw hekagwer hahy tetea'u ihewe. Herahy haw nupaw kwaw ihewi.
Hereko haw ukàzym iko tàtàxiner ài. Heretekwer ukaz iko tata pupe har ài.
Aiko ka'api'i imonohok pyrer imuku'iku'i pyrer ài. Uhem hekàgaw ihewi paw rupi. Nahemai'u wer kwaw.
Xityk uwà hyru izemàner ma'e zane, ta'e na'ikatu kwaw a'e xe. Naiko kwaw izemàner ma'e romo ihe. Naheharaz kwaw neremiapo kar wi ihe.
'A ywate wi Tupàn umur kar amo tata urerehe. Ukaz urepupe. Uzapo puruzuka haw urepyhyk pà. Urereityk ywy rehe no. A'e re upuir urewi ma'erahy pupe urerezar pà. A'e ma'erahy nupaw kwaw.
Tupàn umuzemàner hero'o hepir rehe we a'e. Uhaw hekàgwer no.
Ko 'ar rehe wanuwa ipihun tàtàpyzgwer ài. Nahu rupi wata mehe ni amo nukwaw kwaw wà. Wapir uxinig ywyra ài. Ururururu katu wàkàgwer rehe.
Urema'uhez haw uremuakuahy a'e. Urepir haku zepehe ài.
A'e ma'e henu mehe hepytuhegatu ihe. Hereme uryryryryz hekyze mehe ihe. Hekàgaw uhem ihewi. Napuner kwaw hepy rehe hepu'àmaw rehe kury. Nezewe rehe we àro putar Tupàn 'ar hezemumik 'ym pà nehe. A'e 'ar mehe uzepyk putar ureàmàtyry'ymar wanehe nehe.
