Jó 30:29 - Tupàn zeꞌeg

²⁹ Heze'egaw nuzawy kwaw hekuhemaw hezemumikahy haw hexak kar haw. Nuzawy kwaw awarahu ize'egaw. Nuzawy kwaw wiranu ize'egaw no.

Jó 30:29 ပူးပေါင်းရင်းမြစ်များ

Jó 17:14

— Hetymaw wiko heru romo, a'e putar nehe. Merua'yr wiko hehy romo wà, hereinyr romo wà.

Salmos 102:6

Aiko wiràmiri hehaite ma'e ywyxiguhu rehe har ài. Aiko pypy tàpuz teko heta 'ymaw pe har ài.

Salmos 102:7

Napuner kwaw heker haw rehe. Aiko wiràmiri tàpuz 'aromo har imyrypar 'ym ma'e ài.

Salmos 44:19

Ne urezuhaw pe urerezar pà àzàg yryhu pe har wainuromo ne. Urerezar pe pytunahy haw inuromo no.

Isaías 34:13

Xu 'yw hezuz putar teko hemetarer katu ma'e wanàpuzuhu wapupe nehe. Ka'a uzeapo putar tàpuztàtà wazar romo nehe no. Awara oho putar Enom ywy rehe wiko pà wà nehe. Wiranu oho putar a'e ywy rehe wiko pà wà nehe no.

Isaías 38:14

Hekuhema'i wiriri ài. Hekuhem pyku'i ài. Hereha ikene'o, ta'e amumaw 'ar tetea'u ywak rehe heme'e pà heker 'ym pà ihe xe. O hezar, apuraraw ma'erahy tekoko ihe. Hepyro pe nehe, a'e izupe.

Miquéias 1:8

A'e rupi azai'o hereiheihem pà ma'erahy rehe ihe. Ata aha teko hexapat 'ym ihe, hema'e 'ym ihe, hezemumikahy haw hexak kar pà ihe. Azai'o awara ài. Amuhem hereiheihemaw wiranu ài ihe no.

Malaquias 1:3

Naheakatuwawahy kwaw Ezau rehe izuapyapyr wanehe ihe. Azapo Ezau waiwy ywyxiguhu romo ihe. Ko 'ar rehe teko nuiko kwaw a'e ywy rehe wà. Xo miar hehaite ma'e zo upuner a'e pe weko haw rehe wà.