Jó 30:15 - Tupàn zeꞌeg

¹⁵ Akyzeahy tuwe ihe. Ywytuhu weraha ka'akyr uxinig ma'e muite a'e. Nezewegatete weraha hekàgaw muite ihewi wà no. Ywàkun ukàzym na'arewahy. Nezewegatete heremetarer upaw ihewi no.

Jó 30:15 ပူးပေါင်းရင်းမြစ်များ

Jó 10:16

Aze aupir heàkàg hekatu haw rehe wiko wera'u ma'e ài, Ne erezur heraikweromo zàwàruhu iriàw ài. Erezapo te purumupytuhegatu kar haw hemumaw pà.

Jó 3:25

Akyze amo ma'e uzeapo ma'e ràm wi ihe. Uzeapo tuwe a'e ma'e. Akyze tuwe amo ma'e wi. A'e ma'e nuzawy kwaw tuwe hemugaz taw a'e.

Jó 30:14

Wixe pàrirogawtàtà ikwar rupi wà. Tàpuz heityk pyrer myter pe uzemomor pà hekutyr wà.

Jó 31:23

Nazapo pixik kwaw agwer ma'e ihe. Ta'e akyzeahy Tupàn izepyk àwàm wi ihe xe. Aze mo azapo agwer ma'e, Napuner iwer mo henataromo heho àwàm rehe nehe.

Jó 6:4

Tupàn upuner wera'u ma'e hezywa u'yw puruzuka haw hereko har pupe a'e. A'e puruzuka haw wixe hepy'a pupe. Heàmàtyry'ym awer pupe Tupàn hemynehem hekyzeahy haw pupe no.

Jó 7:14

A'e ma'e rehe heze'eg ire hemukuhem kar pe puahu pupe ne. Puahu iaiw ma'e pupe hemukyze kar pe ne.

Jó 7:9

Umàno ma'e kwer wapyta haw pe wezyw ma'e kwer nuzewyr pixik kwaw nehe. Nuzawy kwaw ywàkun. Ukwaw ko rupi. Nuzewyr pixik kwaw nehe.

Salmos 55:3

Aryryryryz ihe, heàmàtyry'ymar hezuka àwàm imume'u haw henu mehe ihe. Ihewe heàmàtyry'ymar wanemiapo ikatu 'ym ma'e a'e, hezuhaw a'e. Umu'ar kar iaiw haw herehe wà. Wikwahy ihewe wà. Na'iakatuwawahy kwaw herehe wà no.

Salmos 88:15

Hekwàkwàmo romo hereko mehe arer we apuraraw ma'erahy ihe. Màno haw huwake ata aha. Hekene'o herehe nezepyk awer ipuhuz taw rehe.

Salmos 88:16

Nekwahy haw u'ar herehe. Wikwahy ma'e romo nereko haw u'ar he'ar romo. Heàmàtyry'ym awer iaiw ma'e hemumaw tària'i.

Isaías 44:22

Amunàn penemiapo kwer ikatu 'ym ma'e. Amunàn peaiw haw. Ukàzym zuwiri ài. Pezewyr ihewe nehe, ta'e aiko pepyro har romo ihe xe, i'i Tupàn.

Oséias 13:3

A'e rupi a'e teko ukàzym putar wà nehe. Ywàkun ywytyr rehe har ukàzym kwarahy ihem mehe a'e. Zuwiri ukàzym ku'em mehe a'e. Ywytu weraha ka'api'i uxinig ma'e a'e. Tàtàxiner uhem oho tàpuz wi a'e. Nezewegatete a'e teko ukàzym putar wà nehe no.

Oséias 6:4

Tupàn Tuweharupi Wiko Ma'e uwazar waze'eg wanupe. — Ma'e azapo putar peme, Izaew wà. Ma'e azapo putar peme, Zuta wà. Ywàkun ywy rehe har ukàzym tàrityka'i kwarahy ihem mehe a'e. Nezewegatete pepytu'u heamutar katu re tàrityka'i pe no. Ku'em mehe zuwiri uxinig na'arewahy. Nezewegatete na'arewahy pepuir ihewi.