Jó 3:5 - Tupàn zeꞌeg

⁵ Tuwe ipytunahy haw wiko izar romo nehe. Tuwe ywàkun upyk nehe. Tuwe ywàkun umuwew kwarahy heny haw a'e 'ar rehe har nehe.

Jó 3:5 ပူးပေါင်းရင်းမြစ်များ

Jó 16:16

Azai'o tetea'u. A'e rupi heruwa nuzawy kwaw ukaz ma'e kwer. Hereha iàpyàpyzahy. Ipihupihun izywyr no.

Jó 24:17

Ukyze tatainy 'aromo har wi wà. Ipytunaw numukyzeahy kar kwaw wà.

Jó 28:3

Ihàwykàz mehe weraha tatainy ywy kwar pupe wà. Wekar ita hekuzar katu ma'e ywykwar ohoete ma'e pupe wà no. Ipytunahy haw pupe wekar ita wà.

Jó 3:4

Tuwe a'e 'ar uzeapo ipytunahy haw romo nehe. Tuwe Tupàn ywate har nuzekaiw kwaw a'e 'ar rehe nehe. Tuwe tatainy nuhyape pixik kwaw a'e 'ar rehe nehe.

Jó 3:6

Tuwe a'e ipytunaw ipytunahy tuweharupi nehe. Tuwe ukàzym 'ar ipapar haw wi nehe.

Jó 34:22

Aze ikatu 'ym ma'e iapo har izeàmim wer Tupàn wi, wekar wyzài ipytunahy haw. Nezewe rehe we nupuner kwaw uzeàmimaw rehe izuwi.

Jó 38:17

Aipo amo wexak kar umàno ma'e kwer wapyta haw hukenawhu newe wà. Heta ipytunaw upaw 'ym ma'e a'e pe.

Salmos 107:10

Amo wiko ipytunaw rehe wà. Wiko ipytunahy haw rehe wà. Upuraraw ma'erahy waiko wà. Amo wàpixi a'e teko kyhàhàmtàtà pupe wà,

Salmos 107:14

Upyro wamàno àwàm ipytunahy haw zàwenugar wi wà. Omonohonohok kyhàhàmtàtà waàpixipixi haw no, ipegegwera'i romo no.

Salmos 23:4

Aze ata ywyàpyznaw tatainy hereko 'ymar rupi nehe, màno haw zàwenugar rupi nehe, Nakyze kwaw ma'e wi ihe nehe, Ta'e ne Tupàn Tuweharupi Wiko Ma'e ereiko herehe we ne xe. Erezekaiw katu herehe. Heho àwàm erexak kar ihewe no.

Salmos 44:19

Ne urezuhaw pe urerezar pà àzàg yryhu pe har wainuromo ne. Urerezar pe pytunahy haw inuromo no.

Isaías 9:2

Teko ipytunaw rehe wata ma'e wexak tatainy heny katu ma'e wà. Tatainy uhyape katu teko ipytunaw rehe wata ma'e wanupe wà.

Jeremias 13:16

Pemume'u penemiapo kwer ikatu 'ym ma'e Tupàn Tuweharupi Wiko Ma'e pezar pe nehe, pytunahy haw imur 'ym mehe we nehe. Aze ipytunahy nehe, pezepyapi putar ywytyruhu rehe nehe. Peàro tatainy peiko. Nezewe rehe we uzapo putar tatainy ma'e'àgaw ipytun ma'e romo nehe. Uzapo putar ipytunahy haw romo nehe.

Jeremias 2:6

— Ikatu 'ym ma'e, i'i ihewe wà. Nezewe rehe we aiko Ezit ywy wi wamuhem kar arer romo ihe. Araha ywyxiguhu rehe ihe wà. Heta tetea'u ywytyr a'e ywy rehe. Heta tetea'u iàpy'àmahy haw a'e ywy rehe no. Naheta kwaw 'y a'e ywy rehe. Na'ikatuahy kwaw teko wanupe. Ni amo nuwata kwaw a'e ywy rehe wà. Ni amo nuiko kwaw a'e pe wà.

Jeremias 4:28

Ywy uzai'o putar nehe. Ywak ipihun putar nehe no. Ta'e Tupàn uze'eg a'e xe. Numume'u kwaw amo ae wemiapo ràm nehe. Umume'u a'e ma'e. Nuzewyr kwaw izuwi nehe.

Ezequiel 30:3

Uhem a'e 'ar iko. Tupàn Tuweharupi Wiko Ma'e uzapo putar ma'e a'e 'ar mehe nehe. Heta putar ywàkun a'e 'ar mehe nehe. Heta putar zepykaw ywy nànànar wanupe nehe no.

Ezequiel 34:12

Àràpuhàràn rehe uzekaiw ma'e oho weimaw uhàuhàz ma'e kwer wamono'og pà a'e. Nezewegatete aha putar heremiaihu àràpuhàràn wamono'og pà ihe nehe no. Zauxiapekwer umuhàmuhàz ywy nànàn wà. Arur putar ywy nànàn ihe wà nehe no. 'Ar iaiw ma'e rehe umuhàmuhàz wà. Nezewe rehe we amono'og wi putar ihe wà nehe.

Joel 2:2

Ipytun putar a'e 'ar mehe nehe. Nuzawy kwaw kwarahy heta 'ymaw nehe. Ywàkun ipihunahy putar a'e 'ar mehe wà nehe. Tukur ur zauxiapekwer tetea'u ikàg ma'e wazàwe wà. Nuzawy kwaw ywàkun ywytyr ipykaw wà. Ko 'ar 'ym mehe we teko nuexak pixik kwaw agwer ma'e wà. Ko 'ar henataromo nuexak pixik kwaw agwer ma'e wà nehe no.

Amós 5:8

Tupàn uzapo zahytata wà. Uzapo 7 àràpuhàrànetea'yr wanagaw paw zahytata wanehe har. Uzapo na'iruz Mari wanagapaw zahytata wanehe no. Uzapo pytunaw 'ar romo. Uzapo 'ar pytunaw romo no. Wenoz 'y yryhu pe har ywy rehe izakook pà. Tupàn Tuweharupi Wiko Ma'e her romo a'e.

Amós 8:10

Pepynykawhu azapo putar umàno ma'e kwer itymaw romo nehe. Napezegar kwaw nehe. Pezai'o putar pezegar haw hekuzaromo nehe. Pemunehew putar pàn ma'eryru iapo pyr pezemumikahy haw rehe nehe. Pezupin putar pe'aw peàkàg rehe har nehe no. Peiko putar teko wa'yr pitài imàno awer rehe uzai'o ma'e ài nehe. Iroahy putar a'e 'ar peme nehe.

Mateus 4:16

Teko ipytunaw rehe har ài wanekon a'e wà Wexak Tupàn ta'yr ikàg wera'u ma'e a'e wà kury. Hexakaw a'e, nuzawy kwaw tatainy heny katu ma'e hexakaw a'e. Uhyape katu tatainy. Nezewegatete Tupàn ta'yr ukwaw kar tuwe Tupàn ze'eg teko wanupe a'e no.

Lucas 1:79

Uzeruzar 'ym ma'e a'e wà, umàno ma'e kwer ài wanekon a'e wà, ipytunaw pupe wiko ma'e ài wanekon a'e wà. Tupàn umuhyape katu kar putar a'e tatainy zàwenugar wanupe a'e nehe. Zanemurywete kar putar a'e nehe, ta'e xiruzar ize'eg zane xe, i'i Zakari wa'yr pe.

Deuteronômio 4:11

Na'e peho Xinaz ywytyruhu ipy pe pepyta pà. Ipytunahy a'e pe. Ywàkun upyk paw rupi. Heta tata ywytyr apyr. Tata heny kwer uhem ywak rehe.

Hebreus 12:18

Kwehe mehe Tupàn umume'u uze'eg zutew wanupe a'e, ywytyr Xinaz her ma'e rehe a'e. Ukyze izuwi wà. Oho ywytyr huwake wà. Wexak tata ywytyr rehe wà. Ipytun a'e pe. Àmàn uweraweraw a'e pe ywytyr rehe. Ta'e Tupàn wiko a'e pe a'e xe. Napexak kwaw agwer ma'e ko 'ar rehe.