Jó 29:3 - Tupàn zeꞌeg

³ A'e 'ar rehe Tupàn wexak kar herape ràm ihewe. Nuzawy kwaw tatainy ihewe. A'e rupi apuner ipytun mehe heata haw rehe.

Jó 29:3 ပူးပေါင်းရင်းမြစ်များ

Jó 11:17

Nereko haw uhyape katu wera'u putar kwarahy wapytepe hin mehe har wi nehe. Ne'ar ipytunahy wera'u ma'e a'e, nuzawy kwaw kwarahy uhem romo ma'e kwer nehe no.

Jó 18:6

Tatainy neràpuz me har naheny pixik kwaw nehe. Heta putar ipytunaw tatainy hekuzaromo nehe.

Jó 21:17

Aze naxiputar kwaw tatainy, ximuwew. Màràn mehe Tupàn umuwew putar iaiw ma'e waneko haw wanuwi nehe. Màràn haw amo u'ar iaiw haw pupe. Aipo amo 'ar mehe Tupàn wikwahy ma'erahy ipuraraw kar pà wanupe.

Jó 22:28

Neremiapo paw ikatu putar nehe. Tatainy uhyape katu putar nerape rehe nehe.

Salmos 112:4

Tatainy uhyape katu ipytun mehe. Nezewegatete teko ikatu ma'e ukwaw kar ikatu ma'e iapo haw amo teko wanupe wà no, ikatuahy ma'e wanupe wà, purupuhareko ma'e wanupe wà no, imunar 'ym ma'e hemu'em 'ym ma'e wanupe wà no.

Salmos 18:28

Ne, Tupàn Tuweharupi Wiko Ma'e, erekwaw kar ma'e ihewe ne. Ne, hezar, eremumaw ipytunaw rehe hereko haw ne.

Salmos 18:29

Eremur nekàgaw ihewe heàmàtyry'ymar waàmàtyry'ym kar pà ihewe. Eremur nepuner haw ihewe wakàgaw heityk kar pà ihewe no.

Salmos 23:4

Aze ata ywyàpyznaw tatainy hereko 'ymar rupi nehe, màno haw zàwenugar rupi nehe, Nakyze kwaw ma'e wi ihe nehe, Ta'e ne Tupàn Tuweharupi Wiko Ma'e ereiko herehe we ne xe. Erezekaiw katu herehe. Heho àwàm erexak kar ihewe no.

Salmos 27:1

Tupàn Tuweharupi Wiko Ma'e wiko tatainy ài ihewe. Hepyro har romo hekon a'e. Mo wi akyze putar nehe. Tupàn hepyro ikatu 'ymaw nànàn a'e. Nakyze kwaw ni amo wanuwi nehe.

Salmos 4:6

Heta tetea'u teko ko ma'e imume'u har wà. — Emur wi neze'egatu urerehe nehe, Tupàn Tuweharupi Wiko Ma'e. — Ikatu ma'e, ere urewe urerehe neme'e mehe nehe, i'i izupe wà.

Salmos 84:11

Tupàn Tuweharupi Wiko Ma'e wiko tatainy romo zanewe. Wiko Zanemimaw romo. Uzamutar katu ikatu ma'e iapo har wà. Umuwete ikatu ma'e iapo har wà no. Omono ikatu ma'e paw wanupe a'e.

Provérbios 13:9

Awa ikatu ma'e wiko tatainy heny katu ma'e ài wà. Ikatu 'ym ma'e wiko tatainy uweuwew ma'e ài wà.

Provérbios 20:20

Aze eremono ze'egaiw neru rehe nehy rehe nehe, nereko haw uwew putar tatainy ipytunaw rehe har ài nehe.

Provérbios 24:20

Ikatu 'ym ma'e waneko àwàm iaiw putar nehe. Nuzawy kwaw tatainy uwew romo ma'e wà.

Isaías 2:4

Tupàn wiko putar teko ywy nànànar wanemiapo kwer imume'u har romo nehe. Umume'u putar wanehe uzepyk àwàm nehe no. Teko tetea'u oho putar henataromo a'e wà nehe. A'e ae umume'u putar wanemiapo kwer nehe. A'e teko uzapo putar utakihepuku wà nehe, ywy heruwaruwakaw iapo pà wà nehe. Uzapo putar upurukutukaw takiheapar romo wà nehe no. Teko ywy nànànar nuzapo pixik kwaw zeàmàtyry'ymawhu a'e wà nehe. Nuzemuàgà'ym pixik kwaw zeàmàtyry'ymawhu pe oho haw rehe wà nehe.

João 12:46

Azur ywy rehe tatainy ài ihe, Tupàn ze'eg imume'u pà purupe ihe. A'e rupi herehe uzeruzar ma'e nuiko kwaw ipytunaw rupi wata ma'e ài a'e wà nehe, ta'e ukwaw putar Tupàn ze'eg a'e wà nehe xe.

João 8:12

Uze'eg wi Zezuz teko tàpuzuhu pe har wanupe kury. — Tatainy zàwenugar romo aiko ko ywy rehe har wanupe ihe. Aze xiraha tatainy pe rupi pyhaw nehe, xixak putar zaneho àwàm nehe. Nezewegatete aze teko uzeruzar herehe a'e wà nehe, nuzapo kwaw ikatu 'ym ma'e oho waiko a'e wà nehe. Wiko putar tuweharupi Tupàn pyr a'e wà nehe.

Efésios 5:14

Aze zazeruzar Zaneruwihawete rehe nehe, zaiko putar 'aromo wata ma'e ài nehe. A'e rupi Tupàn i'i nezewe a'e, uze'eg imuapyk kar pà pape rehe a'e. Pe uker ma'e pe. Peme'e nehe. Pepu'àm pemàno haw wi pekweraw pà nehe A'e mehe Zaneruwihawete uhyape katu putar penehe a'e nehe.

Efésios 5:8

Pe kwehe mehe pe, peiko pyhaw wata ma'e ài pe, ta'e ikatu 'ym ma'e iapo har romo peiko pe xe. Ko 'ar rehe peiko Tupàn hemiruze'eg romo kury. A'e rupi peiko 'aromo wata ma'e ài kury. Ta'e ikatu ma'e iapo har romo peiko kury xe. Peiko tuweharupi 'aromo wata ma'e ài nehe ty wà, Tupàn ikatu haw rehe peneko pà nehe ty wà.