Jó 29:23 - Tupàn zeꞌeg

²³ Teko wàrogatu àmàn kwarahy haku mehe wà. Nezewegatete paw rupi wàrogatu heze'eg wà.

Jó 29:23 ပူးပေါင်းရင်းမြစ်များ

Jó 29:22

— Neremu'em, ni'i kwaw ni pitài teko heze'eg pawire wà. Heze'eg wixe waàkàg pupe. Nuzawy kwaw 'y ywyxiguhu rehe upiripirik ma'e.

Jó 29:24

Àro kar ma'e ma'e hàro 'ymar wanupe ihe. Herurywete ihe, a'e rupi heruwa umukàg kar teko wà.

Salmos 119:131

Azurupeka hepytuhem pà. Aputar neremiapo kar heruzar haw amo ma'e wanuwi upaw rupi katete ihe.

Salmos 72:6

Tuwe tuwihawete nuzawy kwaw àmàn ko rehe ukyr ma'e nehe. Tuwe nuzawy kwaw àmàn yrykaw romo uzeapo ma'e kwer nehe. Umukatu ywy a'e.

Salmos 81:10

Aiko Tuweharupi Wiko Ma'e pezar romo ihe. Apupyro Ezit ywy wi ihe. Pezurupeka nehe, amono putar penemi'u ràm peme nehe.

Provérbios 16:15

Tuwihawete hurywete mehe numàno kwaw teko wà. Ikatu haw nuzawy kwaw àmàn ikyr haw ipy.

Jeremias 5:24

— Zakyze Tupàn Tuweharupi Wiko Ma'e Zanezar wi nehe, napeze kwaw ihewe pepy'a pupe. — Umugyr kar àmàn 'ar ikatu ma'e rehe, arozràn ipo'o re, ipo'o zanune no. Kwarahy nànàn werur ma'e ipo'o haw 'ar zanewe. Nezewe rehe we — Tuwe zakyze izuwi nehe, napeze kwaw izupe.

Oséias 6:3

Tuweharupi xiruzar wera'u Tupàn Tuweharupi Wiko Ma'e nehe, imuwete katu wera'u pà nehe. Kwarahy uhem tuweharupi azeharomoete a'e. Nezewegatete ur putar zanepytywà pà nehe no. Àmàn 'ar mehe ukyr àmàn ywy rehe azeharomoete. Nezewegatete Tupàn ur putar a'e nehe, i'i Izaew uzeupeupe wà.

Zacarias 10:1

— Emugyr kar àmàn i'ar rehe nehe, haku haw 'ar ihem 'ym mehe we nehe, peze Tupàn Tuweharupi Wiko Ma'e pe nehe. Ta'e a'e ae umur kar ywàkun a'e xe. Ta'e a'e ae umugyr kar àmàn a'e xe. Nezewe umuezuz katu kar ma'e ko pe. A'e rupi heta putar ma'e ipo'o pyràm penemi'u ràm peme nehe.