Jó 28:6 - Tupàn zeꞌeg

⁶ Heta ita hekuzar katu ma'e xapir her ma'e a'e itahu pupe. Teko wexak or ywyku'i inuinuromo wà no.

Jó 28:6 ပူးပေါင်းရင်းမြစ်များ

Jó 28:16

Aze teko omono'og or ikatu wera'u ma'e wà, nezewe rehe we nupuner kwaw ma'e kwaw katu haw ime'eg kar haw rehe wà. Aze omono'og ita hekuzar katu ma'e wà: agata her ma'e, xapir her ma'e, nezewe rehe we nupuner kwaw ime'eg kar haw rehe wà.

Jó 28:5

Wa'aromo arozràn hezuz ywy rehe. Iwy pe ywy uzekazeka uzemu'imu'i pà.

Jó 28:7

Wiràhu nuexak kwaw pe ywykwar piar wà. Kàkà nukwaw kwaw wà no.

Êxodo 24:10

Wexak Tupàn Izaew wazar wà. Itapew xapir her ma'e zàwenugar Tupàn ipy iwy pe tuz. A'e itapew huwy ywak ài.

Cânticos dos Cânticos 5:14

Nepo iapo pyrer ikatuahy a'e. Eremupuràg nepo kwàku'aw har or iapo pyrer pupe. Ita hekuzar katu ma'e ipuràg ma'e pupe no. Neku'aw nuzawy kwaw marupi her ma'e imuhygatu pyrer. Ita xapir her ma'e upyk neku'aw har wà.

Isaías 54:11

Tupàn Tuweharupi Wiko Ma'e uze'eg nezewe a'e. — O Zeruzarez, ywytu àmànuhu inuromo har zàwenugar uzepyk nerehe a'e. Upuraraw kar ma'erahy newe a'e. Ni amo nozo'ok kwaw nezemumikahy haw newi wà. Uruzapo wi putar ita hekuzar katu ma'e ipuràg eteahy ma'e pupe ihe nehe. Amono putar ita xapir her ma'e newy pe har romo nehe.

Apocalipse 21:19

Ita pàrirogaw iwy pe har ipuràg eteahy wà no, ta'e heta tetea'u ita hekuzar katu ma'e wanehe a'e wà no xe. Heta zaz, heta xapir no, heta ag no, heta emeraw no, heta xaton no, heta xar no, heta kirizor no, heta weriw no, heta tupaz no, heta kirizo no, heta zaxin no, heta amexi no. Hekuzar katu ita ipàrirogaw iwy pe har.