Jó 28:24 - Tupàn zeꞌeg

²⁴ Ta'e wexak ywy muite wera'u har a'e xe. Wexak ma'e ko ywy rehe uzeapo ma'e paw rupi katete a'e no.

Jó 28:24 ပူးပေါင်းရင်းမြစ်များ

2 Crônicas 16:9

Tupàn Tuweharupi Wiko Ma'e ume'e ywy rehe uzeapo ma'e nànàn. Nezewe mehe omono ukàgaw hehe uzeruzar ma'e azeharomoete har wanupe a'e. Ko 'ar rehe erezapo neranaiw haw. A'e rupi ko 'ar henataromo ereiko putar zeàmàtyry'ymawhu inuromo tuweharupi nehe, i'i Anani Az pe.

Jó 10:4

Heta urereha urewe. Aipo heta nereha newe no. Uruexak ma'e ure. Aipo erexak ma'e ne no.

Jó 11:11

Tupàn ukwaw teko ikatu 'ym ma'e wà. Tuweharupi wexak wakatu 'ymaw.

Jó 31:4

Tupàn ukwaw heremiapo kwer upaw rupi a'e. Wexak heata haw pitàitàigatu no.

Jó 37:3

Omomor iweraw haw ywak nànàn, Ywy nànàn heityityk pà no.

Jó 38:13

Aipo amo 'ar mehe eremuhàmuhàz tatainy ywy rehe. Aipo nezewe haw iapo mehe eremutuhug iaiw ma'e ne wà, Wazeàmimaw wi wamuhem kar pà ne wà.

Jó 38:18

Aipo erekwaw ywy iànàmaw. Aze erekwaw ko ma'e paw rupi, ewazar heze'eg ihewe kury.

Jó 41:11

Mo upuner iàmàtyry'ymaw rehe uzezuka kar 'ym pà wà. Ni amo wà. Ni amo ywy rehe har nupuner kwaw wà.

Salmos 11:4

Tupàn Tuweharupi Wiko Ma'e wiko wàpuzuhu ikatuahy ma'e pupe. Henaw ywak rehe hin. Wexak teko paw wà. Ukwaw wanemiapo.

Salmos 113:6

Uzemu'àm ywak rehe har rehe ume'e pà, ywy rehe har hexak pà no.

Salmos 66:7

Upureruze'eg putar tuweharupi upuner haw rupi nehe. Ume'egatu teko ywy nànànar wanehe, weha pupe a'e. Tuwe ni amo nuzàmàtyry'ym kwaw Tupàn a'e wà nehe.

Provérbios 15:3

Tupàn Tuweharupi Wiko Ma'e wexak ma'e ywy nànàn uzeapo ma'e paw a'e. Ume'e teko paw wanehe, ikatu ma'e wanehe, ikatu 'ym ma'e wanehe no.

Zacarias 4:10

Iwy pe har iapo mehe amo uze'eg urywahy hehe wà. A'e teko hurywete putar Zurupapew tàpuzuhu imuhyk àwàm hexak mehe wà nehe. Na'e umume'u ihewe kury. — A'e 7 tatainy nuzawy kwaw 7 Tupàn Tuweharupi Wiko Ma'e heha wà. Wexak ma'e ywy nànàn uzeapo ma'e paw weha pupe, i'i ihewe.

Apocalipse 5:6

Na'e aexak Àràpuhàràna'yr zàwenugar a'e pe i'àz mehe ihe kury. Tuwihaw henaw mytepe i'àz a'e. A'e 4 wikuwe ma'e a'e wà no, a'e pe huwake wanekon a'e wà no. Tuwihaw a'e wà no, huwake wanekon a'e wà no. Tuwihaw henaw rehe har a'e, Àràpuhàràna'yr izuka pyrer ài hekon a'e. 7 i'ak wà. 7 heha wà no. A'e 7 heha a'e wà, Tupàn Hekwe ywy nànàn imono kar pyrer ài wanekon a'e wà.