Jó 28:13 - Tupàn zeꞌeg

¹³ Teko nukwaw kwaw ma'e kwaw katu haw ikatu haw wà. Nuexak kwaw ko ywy rehe wà.

Jó 28:13 ပူးပေါင်းရင်းမြစ်များ

Jó 28:14

Yryhu uhua'u ma'e uze'eg nezewe a'e. — Nuiko kwaw xe a'e, i'i a'e. Yryhu uze'eg nezewe a'e no. — Nuiko kwaw xe a'e, i'i a'e no.

Salmos 119:72

Ze'eg neremimur kwer ikatu wera'u temetarer ywy nànànar paw wi ihewe, Ma'e ywy nànànar paw wi ihewe.

Salmos 19:10

Ipurumu'e haw ikatu wera'u itazu or wi a'e. Aze heta or ikatuahy ma'e tetea'u newe nehe, Tupàn ipurumu'e haw ikatu wera'u putar a'e temetarer wi newe nehe. Hete katu wera'u hàir wi. Hàir ikatuahy ma'e wi hete katu wera'u a'e.

Salmos 27:13

Tupàn Tuweharupi Wiko Ma'e wexak kar putar ukatu haw herekuwe mehe nehe. Akwaw tuwe ikatu haw hexak kar àwàm ihe nehe.

Salmos 52:5

A'e rupi Tupàn nemumaw putar azeharomoete a'e nehe. Nepyhyk putar nehe, neràpuz nereko haw wi nereityk pà nehe. Tupàn nezo'ok putar ywy wikuwe ma'e hereko har wi nehe.

Provérbios 16:16

Ma'e kwaw katu haw ipyhykaw ikatu wera'u itazu or wi a'e. Ma'e kwaw paw hereko haw ikatu wera'u itaxig parat wi a'e no.

Provérbios 23:23

Aze erexak ikatu ma'e ereme'eg kar a'e ma'e. Nezewegatete epyhyk ze'eg azeharomoete har nehe, epyhyk ma'e kwaw katu haw nehe no, epyhyk purumu'e haw nehe no, epyhyk ma'e kwaw paw nehe no. A'e re eme'eg zo ni amo nehe.

Provérbios 8:11

Aiko ma'e kwaw katu haw romo ihe. Herekuzar katu wera'u itapuràg hekuzar katu ma'e wi ihe. Neremimutar paw heawy a'e. Hekatu wera'u ihe.

Isaías 38:11

— Naexak pixik kwaw Tupàn Tuweharupi Wiko Ma'e herekuwe mehe nehe, a'e hezeupe. — Naexak pixik kwaw amo teko ihe wà nehe, a'e hezeupe.

Isaías 53:8

Umunehew zemunehew paw pe wà. Umume'u izuka àwàm wà. Weraha izuka àwàm me wà. Ni amo nuzekaiw kwaw izupe iapo pyràm rehe wà. Umuhem kar ywy wikuwe ma'e waneko haw wi wà. Uzuka teko zaneremiaihu wanemiapo kwer ikatu 'ygwer hekuzaromo wà.

Jeremias 11:19

Nazawy kwaw àràpuhàràn hawitu ma'e hehaite 'ym ma'e uzezuka haw pe heraha pyr ihe. Umume'u ikatu 'ym ma'e ihewe wemiapo ràm waiko wà. Nakwaw kwaw wanemimume'u ihe. Nezewe i'i wà. — Ximonohok ywyra heityk pà ikàg mehe we nehe. Xiuka Zeremi nehe. Nezewe mehe teko na'ima'enukwaw pixik kwaw hehe wà nehe.

Ezequiel 32:24

Eràw izuapyapyr wiko a'e pe wà. Hemiruze'eg zauxiapekwer watym awer upyta itym awer izywyr wà. Paw rupi umàno zeàmàtyry'ymaw pe wà. Nuzeruzar kwaw Tupàn rehe wà. Wezyw umàno ma'e kwer wapyta haw pe wà. Wikuwe mehe umuhàmuhàz kyzeahy haw teko tetea'u wanehe wà. Umàno wà. Maranugar haw upyk wà.