Jó 27:7 - Tupàn zeꞌeg

⁷ Hekatu 'ymaw imume'u har paw wà, Heàmàtyry'ymar paw wà, Tuwe Tupàn uzepyk wanehe ikatu 'ym ma'e ài nehe, iaiw ma'e ài nehe.

Jó 27:7 ပူးပေါင်းရင်းမြစ်များ

2 Samuel 18:32

— Aipo kwàkwàmo Àmixàràw ikatu a'e, i'i tuwihawete. Uwazar ze'eg herur har izupe kury. — Izupe uzeapo ma'e kwer a'e, aze mo uzeapo nezewe nugar neàmàtyry'ymar paw wanupe, ikatuahy mo ihewe. Aze mo uzeapo nezewe haw nerehe ipuruzuka wer ma'e paw wanupe, ikatuahy mo ihewe, i'i izupe.

Jó 27:6

Namume'u kwaw amo ma'e nehe. — Heremiapo kwer ikatu, a'e putar hepytu'u 'ym pà nehe. Akwaw hekatu haw. — Erezapo ikatu 'ym ma'e ne, na'e pixik kwaw hezeupe.

Jó 27:8

Tupàn o'ok putar hehe uzeruzar 'ym ma'e waneko haw wanuwi nehe. Ma'e wàro putar i'ok ire wà nehe.

Jó 31:35

Aze mo amo herenu, ikatu mo ihewe. Amumaw putar hekatu haw imume'u haw xe ihe nehe kury. Tuwe Tupàn upuner wera'u ma'e uwazar heze'eg ihewe nehe. Tuwe hekatu 'ymaw imume'u har umuapyk uze'eg pape rehe nehe kury.

Daniel 4:19

A'e ma'e henu mehe Taniew Mewtexazar inugwer her ma'e ipytuhegatu a'e kury. A'e 'ar mehe we nukwaw kwaw imume'u haw rihi. Uze'eg wi tuwihawete izupe. — Mewtexazar, nema'enukwawahy zo hepuahu awer rehe nehe, ni hemimume'u rehe nehe, i'i izupe. Taniew uwazar ize'eg izupe. — O Tuwihawete, aze mo nepuahu awer hemimume'u nuze'eg iwer nerehe, ikatu wera'u mo. Aze mo umume'u neàmàtyry'ymar waneko àwàm, ikatu wera'u mo.

1 Samuel 25:26

Tupàn Tuweharupi Wiko Ma'e nemupytu'u kar hehe nezepyk 'ym mehe we a'e. A'e rupi nerezuka kwaw. Amume'uahy ko ma'e newe hereko haw rehe Tupàn Tuweharupi Wiko Ma'e heko haw rehe ihe kury. Amo uzepyk putar neàmàtyry'ymar paw wanehe nehe, ikatu 'ym ma'e rehe newe ipurapo wer ma'e wanehe nehe no, Namaw rehe nehe no.