Jó 27:19 - Tupàn zeꞌeg

¹⁹ Awa ikatu 'ym ma'e oho uker haw rehe hemetarer katu ma'e romo. Noho wi kwaw nezewe nehe. Ume'e mehe nuexak kwaw wemetarer, ta'e oho izuwi xe.

Jó 27:19 ပူးပေါင်းရင်းမြစ်များ

Gênesis 49:10

Zuta upyhyk putar ywyra'i tuwihawete romo weko haw hexak kar haw a'e nehe. Izuapyapyr wiko putar tuwihawete romo tuweharupi wà nehe. Teko amo ae ywy rehe har werur putar imur pyràm izupe wà nehe. Weruzar putar ize'eg a'e wà nehe.

Jó 14:10

Teko nuiko kwaw ywyra ài wà. Umàno mehe upaw wà. Wekwe imono re, ma'e pe oho putar wà nehe.

Jó 20:5

Ikatu 'ym ma'e numumaw kwaw kwarahy tetea'u hurywete pà. Aze ma'e ikatu izupe, upaw na'arewahy izuwi.

Jó 21:30

Nezewe i'i a'e teko wà. — Tupàn ikwahy mehe teko wanehe izepyk mehe, Awa ikatu 'ym ma'e uzepyro izuwi wà.

Jó 24:24

Iaiw ma'e umumaw amo 'ar hemetarer katu ma'e romo wà. Na'arewahy uxinig ka'api'i ài wà. Nuzawy kwaw arozràn haryw imonohok pyrer wà.

Jó 30:23

Hereraha pe iko umàno ma'e kwer wapyta haw pe ne. Akwaw neremiapo. Wikuwe ma'e paw uzeàwàxi putar a'e pe amo 'ar mehe wà nehe.

Jó 7:21

Màràzàwe tuwe nereharaz ikatu 'ym ma'e heremiapo kwer wi. Màràzàwe tuwe neremunàn kwaw hekatu 'ymaw. Nan kwehe tete aiko putar hetym àwàm pupe ihe nehe. Herekar putar pe nehe. Naikuwe kwaw nehe.

Jó 7:8

Herexak pe ko 'ar rehe. Ko 'ar pawire naherexak kwaw pe nehe. Ereme'e putar herehe nehe. Akàzym putar nehe. Naherexak kwaw pe nehe.

Jó 8:22

Neàmàtyry'ymar wiko putar maranugar haw rehe wà nehe. Amo weityk putar ikatu 'ym ma'e wanàpuz wà nehe no.

Salmos 58:9

Uzeapo ma'e ikwaw 'ym mehe we Ikatu 'ym ma'e uzemonohok kar ka'akyr ài wà. Wanekuwe mehe we Tupàn omono kar putar uzewi upytuhemaw pupe wekwahy haw ukaz ma'e rupi nehe.

Provérbios 23:4

Ezezuka zo nema'erekoahy pà nehe, hemetarer katu ma'e romo nezemuigo kar pà nehe.

Provérbios 23:5

Nema'enukwaw tetea'u zo temetarer rehe nehe. Neremetarer upuner ukàzymaw rehe na'arewahy nehe. Uzeapo putar ipepo hehe nehe. Uwewe putar muite wiràhu ài nehe.

Jeremias 8:2

Umuhàmuhàz putar wàkàgwer ywy rehe kwarahy iwy pe wà nehe, zahy iwy pe wà nehe no, zahytata iwy pe wà nehe no. A'e 'ym mehe a'e umàno ma'e kwer umuwete katu a'e kwarahy, zahy, zahytata wà no. Uma'ereko wanupe wà no. Upuranu wanehe wà. Uzamutar katu tuwe wà no. Umuhàmuhàz putar wàkàgwer wà nehe. Ni amo nomono'og kwaw wà nehe. Nuzutym wi kwaw wà nehe. Upyta putar ywy rehe katu pe. Nuzawy kwaw ma'ea'yr hepuxi nehe.

Mateus 23:37

Uze'eg Zezuz Zeruzarez pe har wanupe kury. — Pe Zeruzarez tawhu pe har pe ty wà, pe Zeruzarez tawhu pe har pe ty wà, kwehe mehe peipy uzuka Tupàn ze'eg imume'u har a'e wà, uzapizapi ize'eg herur har ita tetea'u pupe a'e wà, wazuka pà a'e wà. Tuweharupi hepuruàzuwàn wer zepe penehe ihe. Zapukaz omono'ogatu umemyr upepo iwy pe. Nezewegatete ihe no. Hezekaiw katu wer zepe penehe ihe no. Naheputar kwaw pe.

Mateus 3:12

— Yrypemutu opo pe hereko har umuwewe aroz apirer heityk pà izuwi a'e. Omono'og aroz hyru pupe. Wapy iapirer tata pupe. Heraikweromo ur ma'e ràm wiko a'e yrypemutu hereko har zàwenugar romo a'e. (Uzeruzar ma'e a'e wà, aroz ài wanekon a'e wà. Omono kar putar Tupàn pyr a'e wà nehe. Uzeruzar 'ym ma'e a'e wà, iapirer ài wanekon a'e wà. Omono kar putar tatahu pe a'e wà nehe, a'e tata uwew 'ym ma'e pupe a'e wà nehe, i'i Zuàw a'e, a'e ze'eg kwehe arer kwaw par wanupe a'e).