Jó 27:13 - Tupàn zeꞌeg

¹³ Amume'u putar Tupàn upuner wera'u ma'e hemiapo peme nehe kury. Uzepyk awa ikatu 'ym ma'e wanehe a'e, upuruzuka ma'e wanehe a'e no.

Jó 27:13 ပူးပေါင်းရင်းမြစ်များ

Jó 27:12

Nan. Namume'u kwaw nehe, ta'e pexak a'e ma'e paw rupi xe. Màràzàwe tuwe pepyta xe iranaiw ma'e ài peze'eg pà.

Jó 31:2

Aze mo azuhaw heremimume'u kwer, Ma'e Tupàn umur ihewe hekuzaromo. Aipo Tupàn upuner wera'u ma'e umur mo uze'egatu ihewe ywak wi a'e.

Jó 31:3

Tupàn umur kar zemumikahy haw purehe a'e. Umur kar iaiw haw a'e, ikatu 'ym ma'e zutyka'i iapo har wanupe a'e.

Salmos 11:6

Tupàn weityk ma'ezu ukaz ma'e purumuahy ma'e a'e, ikatu 'ym ma'e wanehe a'e. Tàtàpyz weityk wanehe no. Uzepyk wanehe ywytu haku ma'e wamur kar pà wanehe. Ukaz wà.

Salmos 12:5

Tupàn Tuweharupi Wiko Ma'e uze'eg a'e kury. — Azapo putar ma'e ihe kury. Ta'e teko upuraraw kar ma'erahy waiko hemetarer 'ym ma'e wanupe wà xe. Ipuraraw par ikuhem ma'erahy wi wà. Heràro waiko wà, a'e rupi azekaiw putar wanehe ihe nehe, i'i Tupàn Tuweharupi Wiko Ma'e.

Eclesiastes 8:13

— Nuzeapo katu kwaw ikatu 'ym ma'e wanupe nehe. Waneko haw upaw ma'e i'àgaw ài. Kwàkwàmo romo waneko mehe we, umàno putar wà nehe, ta'e nukyze kwaw Tupàn wi wà xe, i'i teko wà.

Isaías 3:11

Tuwe ikatu 'ym ma'e uzemumikahy wà nehe. Waneko haw na'ikatu kwaw nehe. Uzapo ikatu 'ym ma'e amogwer wanupe wà. Nezewegatete amogwer uzapo putar ikatu 'ym ma'e wanupe wà nehe no.

Malaquias 3:5

Tupàn Ikàg Wera'u Ma'e uze'eg iko teko wemiaihu wanupe kury. — Azur putar penemiapo kwer ikatu 'ymaw imume'u pà nehe. Amume'u putar hemuwete 'ymar wanemiapo kwer nehe. Paze ma'e wà, wemireko 'ym puhe oho ma'e wà, umen 'ym puhe oho ma'e wà, hemu'em ma'e wà, uma'ereko ma'e wanehe imunar ma'e wà, kuzà imen umàno ma'e kwer wanemetarer ipyhyk e har wà, kwarer tu 'ym ma'e kuzàtài tu 'ym ma'e wanemetarer ipyhyk e har wà. Agwer peinuinuromo har paw wanehe azepyk putar nehe.

2 Pedro 2:9

Aze teko ikatu wà nehe, Tupàn ukwaw putar ma'erahy ipuraraw paw wi wapyro haw a'e nehe. Upyro putar wà nehe. Ukwaw ikatu 'ym ma'e iapo har wanexakaw a'e no. Amo 'ar mehe umume'u putar wanemiapo kwer a'e nehe, wanehe uzepyk pà a'e nehe.