Jó 26:14 - Tupàn zeꞌeg

¹⁴ Tupàn upuner ma'e tetea'u iapo haw rehe, wyzài ikàg ma'e iapo haw rehe. Xo màràn zo amume'u kwez xe peme. Mo upuner ipuner haw uhua'u haw ikwaw paw rehe wà.

Jó 26:14 ပူးပေါင်းရင်းမြစ်များ

Jó 36:29

Mo ukwaw ywàkun iho haw wà. Mo ukwaw àmàn iànoànogaw ywak rehe har Tupàn henaw pe har wà.

Jó 37:4

Na'e teko wenu ize'eg ikororo mehe wà. Wenu àmàn iànoànogaw wà no. A'e 'ar mehe we iweraw haw nupytu'u kwaw u'ar ire.

Jó 37:5

Tupàn wànoànog uze'eg ikatuahy ma'e pupe. Uzapo ma'e uhua'u ma'e. Nazapuner kwaw a'e ma'e ikwaw paw rehe.

Jó 4:12

Amo umume'u ze'eg ihewe mewe katu a'e. Hewowo ihewe imume'u mehe. Nainu katu kwaw ize'eg mehe ihe.

Jó 40:9

Aipo nekàgaw nuzawy kwaw hekàgaw. Aipo neànoànogaw ikàg heànoànogaw ài.

Jó 42:5

A'e 'ym mehe xo nerehe amo waze'egaw zo akwaw. Ko 'ar rehe uruexak kwez hereha pupe kury.

Salmos 139:6

Màràzàwe tuwe hekwaw katu pe nezewe. Nakwaw kwaw ihe. Nema'ekwaw paw uhua'u a'e. Napuner kwaw ikwaw paw rehe ihe.

Salmos 145:3

Tupàn Tuweharupi Wiko Ma'e uhua'u a'e. Tuwe teko umume'u ikatu haw wà nehe. Teko nupuner kwaw uhua'u haw ikwaw paw rehe wà.

Salmos 29:3

Teko weinu Tuweharupi Wiko Ma'e 'y 'aromo ize'eg mehe wà. Tupàn ikàg ma'e umuànoànog kar àmàn a'e. Teko weinu ize'eg yryhu 'aromo a'e wà.

Eclesiastes 11:5

Tupàn uzapo ma'e upaw rupi a'e. Nerepuner kwaw teko ipyahu ma'e kuzà hie pe izypyrogaw ikwaw paw rehe ne. Nezewegatete nerepuner kwaw Tupàn hemiapo ikwaw paw rehe no.

Habacuque 3:4

Heny katu tatainy ài. Tatainy uhyape katu ipo rehe. Ma'e pe teko uzeàmim putar ikàgaw wi wà. A'e ipo rehe uzeàmim ikàgaw a'e.

Romanos 11:33

Tupàn a'e, ma'e paw wazar romo hekon a'e. Ukwaw katu ma'e paw rupi a'e no. Nazapuner kwaw hemiapo kwer ikwaw paw rehe zane. Nazapuner kwaw hemiapo ràm ikwaw paw rehe zane.

1 Samuel 2:10

Tupàn Tuweharupi Wiko Ma'e umumaw putar waàmàtyry'ymar a'e wà nehe. Wànoànog putar ywak rehe wakutyr nehe. Umume'u putar teko ywy rehe har wanemiapo kwer upaw rupi katete a'e nehe. Omono putar ukàgaw, wemixak kwer tuwihawete pe nehe. Upytywà putar a'e wemixak kwer tuwihawete a'e nehe. A'e rupi a'e tuwihawete weityk putar waàmàtyry'ymar a'e wà nehe. Upaw Àn ze'eg awer xe kury.