Jó 26:13 - Tupàn zeꞌeg

¹³ Izupy haw pupe Tupàn umukatu ywak. Mozuhu uzàn izuwi. Opo pupe uzuka a'e moz.

Jó 26:13 ပူးပေါင်းရင်းမြစ်များ

Gênesis 1:2

Nuzapo kwaw Tupàn ywy ikatuahy ma'e romo a'e 'ar rehe a'e rihi. Naheta kwaw wikuwe ma'e a'e 'ar mehe ywy rehe a'e rihi. Xo yryhu ohoete ma'e zo heta. Ipytunahy haw upyk yryhu a'e. Tupàn Hekwe wiko 'y 'aromo a'e.

Jó 9:8

Tupàn a'e zutyka'i upir ywak iko a'e. Upyrog ywy yryhu izywyr har rehe.

Salmos 104:30

Aze eremupytuhem kar ne wà, uzexak kar wà. Nezewe mehe eremono ma'e wikuwe ma'e ipyahu ma'e ywy rehe ne wà.

Isaías 27:1

A'e 'ar mehe Tupàn Tuweharupi Wiko Ma'e upyhyk putar utakihepuku nehe. Uhua'u itakihe. Ikàg no. Ipuhuz no. Teko uze'eg àzàguhu Erewiàtà her ma'e rehe wà. Tupàn ukutuk putar a'e àzàguhu a'e nehe. Uwawak àzàguhu a'e. Uzemàzemàn no. Tupàn Tuweharupi Wiko Ma'e uzuka putar mozuhu yryhu pe har a'e nehe.

Apocalipse 12:9

Tupàn weityk kar mozuhu imugwaw kar pà a'e wi. Zurupari a'e mozuhu her romo a'e. Hemu'em ma'e romo hekon. Ywy pe weityk kar, hemiruze'eg paw wamono kar pà hupi no.