Jó 24:6 - Tupàn zeꞌeg

⁶ Naheta kwaw ma'e hemetarer 'ym ma'e wanupe. A'e rupi uma'ereko ikatu 'ym ma'e wanemi'u ràm imono'og pà wà. Upyhyk uwa wanupe wà.

Jó 24:6 ပူးပေါင်းရင်းမြစ်များ

Jó 24:18

Zopar uze'eg putar a'e nehe kury. 'Y uwyrykahy ma'e weraha awa ikatu 'ym ma'e a'e. Tupàn omono uze'egaiw iziwy rehe. Nuzewyr kwaw oko pe ma'ywa tyw pe uma'ereko pà.

Jó 24:5

Hemetarer 'ym ma'e Wata ywyxiguhu rehe zumen hehaite ma'e ài wà, Uwa'yr wanemi'u ràm hekar pà wà.

Jó 24:7

Pyhaw tuwixàg mehe naheta kwaw zewànaw wanupe. Naheta kwaw tuwixàgaw wi wazemuaku haw wanupe.

Jó 31:39

A'u wanemimuezuzgwer i'a kwer ihe. Nezewe rehe we amono temetarer uma'ereko ma'e wanupe wama'ereko awer hekuzaromo. Namumàno kar pixik kwaw wama'uhez haw rehe wà.

Miquéias 6:15

Pezutym putar ma'eà'yz nehe. Nape'u kwaw ma'e nehe. Pezuhazuhaw putar uri nehe. Nape'u kwaw ikawer nehe. Pepyropyrog putar uwà rehe nehe. Nape'u kwaw tykwer nehe.

Deuteronômio 28:33

Amo ywy rehe har ur putar wà nehe, arozràn penemitygatu kwer penemipo'o katu kwer heraha pà wà nehe. Tuweharupi uzapo putar ikatu 'ym ma'e peme wà nehe. Tuweharupi uzeagaw putar ikatu 'ym ma'e iapo pà peme wà nehe no.

Deuteronômio 28:51

U'u putar peneimaw tapi'ak paw wà nehe. U'u putar penemi'u penemimono'og paw wà nehe no. Pemàno putar pema'uhez haw pupe nehe. Nuezar kwaw ma'e peme wà nehe: ni arozràn, ni win, ni uri kawer, ni tapi'aka'yr wà, ni àràpuhàràna'yr hawitu ma'e wà no.