Jó 24:23 - Tupàn zeꞌeg

²³ Tupàn umuigo kar wà, ikatu 'ymaw imunyryk kar pà wanuwi wà. Nezewe rehe we ume'egatu wanehe.

Jó 24:23 ပူးပေါင်းရင်းမြစ်များ

Jó 10:4

Heta urereha urewe. Aipo heta nereha newe no. Uruexak ma'e ure. Aipo erexak ma'e ne no.

Jó 11:11

Tupàn ukwaw teko ikatu 'ym ma'e wà. Tuweharupi wexak wakatu 'ymaw.

Jó 12:6

Imunar ma'e wiko ikatu haw rehe wàpuz me wà. Tupàn henataromo ikatu 'ym ma'e iapo har wikuwe uzemupy'a 'ym pà wà. Wakàgaw uzeapo wazar romo.

Jó 31:4

Tupàn ukwaw heremiapo kwer upaw rupi a'e. Wexak heata haw pitàitàigatu no.

Jó 34:21

Ukwaw zaneremiapo upaw rupi a'e. Wexak zaneata haw paw rupi no.

Salmos 10:5

Aze awa iaiw ma'e uzapo amo ma'e a'e, ikatuahy hemiapo kwer izupe a'e. Wiko hemetarer katu ma'e romo. A'e awa nupuner kwaw Tupàn ima'enukwaw paw ikwaw paw rehe a'e. Uze'eg urywahyahy wàmàtyry'ymar wanehe.

Salmos 119:168

Aruzar neremiapo kar. Neremiapo putar haw aruzar no. Erexak heremiapo kwer upaw rupi.

Provérbios 15:3

Tupàn Tuweharupi Wiko Ma'e wexak ma'e ywy nànàn uzeapo ma'e paw a'e. Ume'e teko paw wanehe, ikatu ma'e wanehe, ikatu 'ym ma'e wanehe no.

Provérbios 5:21

Tupàn ukwaw neata haw. Wexak neremiapo paw no.

Eclesiastes 5:8

Erexak putar amo tuwihaw ikatu 'ym ma'e iapo mehe amo wanupe nehe. Nepytuhegatu zo hexak mehe nehe. Upuraraw kar ma'erahy hemetarer 'ym ma'e wanupe wà. Aze ipuruapo wer ma'e rehe wà, tuwihaw nuzapo kar kwaw wanupe wà. Tuwihaw ikàg wera'u ma'e uzekaiw tuwihaw ikàg ma'e wanehe wà.

Eclesiastes 8:11

Màràzàwe tuwe teko uzuka e amo teko wà. Màràzàwe tuwe nazawaiw kwaw puruzuka haw a'e teko wanupe. Wiko nezewe a'e wà, ta'e ni amo nuzepyk kwaw a'e puruzuka ma'e wanehe na'arewahy wà xe.

Isaías 56:12

Uze'eg nezewe uzeupeupe wà. — Xikar win nehe. Xikar kàwiahy nehe no. Zaka'u tuwe nehe. Pyhewe xiapo wi wi nezewe haw nehe no. Tuwe pyhewe zaneka'u àwàm uhua'u wera'u kutàri zaneka'u awer wi a'e nehe: i'i wà, i'i Tupàn.

Amós 8:7

Teko Izaew umume'u Tupàn Tuweharupi Wiko Ma'e Zanezar ikatu haw a'e wà. Zanezar umume'uahy ko uze'eg kwez kury. — Nahereharaz pixik kwaw heremiaihu wanemiapo kwer wi nehe.

Amós 9:2

Aze amo wixe ywy pupe wà nehe, aze uhem umàno ma'e kwer waneta haw pe wà nehe, nezewe rehe we anuhem putar a'e wi ihe wà nehe. Aze uhem ywak rehe wà nehe, nezewe rehe we amuezyw kar wi putar a'e wi ihe wà nehe.

Habacuque 1:13

Màràzàwe tuwe nerezuka kwaw a'e teko ne wà. Hemu'em teko wanupe wazuka pà wà. Iaiw ma'e romo wanekon wà. Nereha ikatuahy. Màràzàwe tuwe ereme'e agwer iaiw ma'e rehe. Aze erexak teko ikatu 'ym ma'e iapo mehe wà, erekwahy wanehe ne. A'e rupi apuranu nerehe kury. Mawiron pe har uzuka amo teko uzewi ikatu wera'u ma'e wà. Màràzàwe tuwe nereze'eg kwaw wazuka mehe ne.

Lucas 12:45

Aze a'e uma'ereko ma'e i'i uzeupe nehe: Kwa, iàrew tuwe hezar tur àwàm a'e, aze i'i uzeupe nehe, aze uzypyrog amo uma'ereko ma'e wapetek pà nehe, aze upetek awa wà nehe, aze upetek te kuzà wà nehe no, aze umai'u tetea'u nehe, aze u'u win uka'u pà nehe, a'e mehe nuàro kwaw uzar tur àwàm nehe.

1 Tessalonicenses 5:3

Kuzà ipuru'a ma'e a'e, nukwaw kwaw umemyrahy haw wi uhem àwàm a'e. — Nahepurupuraraw wer kwaw zepe a'e ma'erahy rehe ihe, i'i putar zepe uzeupe nehe. Nan kwaw pa. Upuraraw putar a'e ma'erahy azeharomoete nehe. Nupuner kwaw uhemaw rehe izuwi nehe. Nezewegatete teko a'e wà nehe no. Nukwaw kwaw ma'erahyhu iahykaw rehe har ihemaw 'ar a'e wà no. — Xo ikatuahy ma'e uzeapo iko zanewe kury, naxipuraraw kwaw ma'erahy zaiko zane kury, i'i putar uzeupeupe wà nehe. Na'arewahy a'e 'ar mehe we uhem putar ma'erahyhu iahykaw rehe har a'e nehe. — Nahepurupuraraw wer kwaw zepe ko ma'erahy rehe ihe, i'i putar zepe uzeupe wà nehe, a'e kuzà ài wà nehe. Nan kwaw pa. Upuraraw putar tuwe a'e ma'erahyhu wà nehe. Nupuner kwaw uhemaw rehe izuwi wà nehe.

Apocalipse 2:23

Azuka putar a'e kuzà hemiruze'eg ihe wà nehe no. A'e rupi uzeruzar ma'e paw ukwaw putar hekàgaw a'e wà nehe. Amekuzar putar penemiapo kwer paw rupi ihe nehe. Ta'e akwaw teko wama'enukwaw paw ihe xe. Akwaw wanemiapo putar haw ihe no xe.