Jó 24:16 - Tupàn zeꞌeg

¹⁶ Imunar ma'e wixe amo hàpuz pupe pyhaw wà. Nuhem kwaw wata pà 'aromo wà. Ta'e tatainy na'ikatu kwaw wanupe xe.

Jó 24:16 ပူးပေါင်းရင်းမြစ်များ

Jó 24:13

Iaiw ma'e na'iakatuwawahy kwaw tatainy rehe wà. Wape nànàn wata mehe ma'e paw iapo mehe nuputar kwaw tatainy wà.

Ezequiel 12:12

Penuwihawete upir putar uma'eryru ukupe pe pyhaw a'e nehe. Amo uzapo putar ywyok ikwar izupe wà nehe. Uhem putar oho hupi a'e nehe. Upyk putar uwa nehe. Nuexak kwaw oho àwàm nehe.

Mateus 24:43

Pema'enukwaw katu ko ma'e rehe nehe. Tàpuz izar a'e, aze mo ukwaw uma'e rehe imunar ma'e tur àwàm 'ar a'e, ume'egatu mo iko a'e. Numuixe kar iwer mo imunar ma'e wàpuz me a'e.

Mateus 6:19

(Uze'eg wiwi Zezuz wemimu'e wanupe.) — Pemono'ogatu zo temetarer tetea'u pezeupe ko ywy rehe har nehe. Ta'e hahok, hepuxipuxi kwer no, umuaiw putar a'e nehe xe. Awa wixe putar neràpuz me nehe, neremetarer rehe nema'e rehe imunar pà nehe.

João 3:20

Ikatu 'ym ma'e iapo har na'ipurexak kar wer kwaw wemiapo kwer ikatu 'ym ma'e rehe purupe a'e wà. A'e rupi nur kwaw tatainy zàwenugar huwake wà. Na'iakatuwawahy kwaw tatainy zàwenugar rehe wà.