Jó 24:15 - Tupàn zeꞌeg

¹⁵ Wemireko 'ym puhe oho ma'e ràm uwàro ipytunaw. Umim uwa. Nezewe mehe ni amo nuexak kwaw huwa wà.

Jó 24:15 ပူးပေါင်းရင်းမြစ်များ

2 Samuel 12:12

Erezapo ikatu 'ym ma'e nezeàmim pà neremiapo kwer ikwaw kar 'ym pà purupe. Azapo kar putar a'e iaiw ma'e 'aromo kwarahy ihyape katu mehe ihe nehe, Izaew paw wanupe hexak kar pà ikwaw kar pà ihe nehe, i'i Tupàn newe, i'i Nàtà Tawi pe.

Jó 31:9

Aze heruwake har hemireko hereraha uker haw pe, Aze azeàmim hàpuz huwake hukenaw rehe heme'e pà,

Salmos 10:11

Teko ikatu 'ym ma'e uze'eg nezewe uzeupe. — Tupàn na'ikàg kwaw a'e. Uzeàpumi a'e. Nuexak kwaw ma'e a'e.

Salmos 50:18

Aze pexak amo imunar ma'e, pezemuryparypar hehe we. Peata peho peiko awa wemireko 'ym puhe oho ma'e wanehe we, kuzà umen 'ym puhe oho ma'e wanehe we.

Salmos 73:11

— Tupàn nukwaw kwaw ko ma'e a'e nehe. Ywate Wera'u Har nuexak pixik kwaw ko zaneremiapo kwer a'e nehe, i'i uzeupe wà.

Salmos 94:7

Uze'eg nezewe uzeupe wà. — Tuweharupi Wiko Ma'e nume'e kwaw zanerehe a'e. Tupàn Izaew wazar nukwaw kwaw zaneremiapo kwer a'e, i'i wà.

Êxodo 20:14

Peker zo penemireko 'ym wapuhe nehe, peker zo pemen 'ym wapuhe nehe.

Provérbios 7:7

Aexak kwàkwàmo tetea'u ma'e kwaw par 'ym nahu rupi ihe wà. Amo pitài iranaiw tuwe a'e.

Ezequiel 8:12

Na'e Tupàn upuranu herehe. — Awa ta'yr, Aipo erexak Izaew wanuwihaw wanemiapo. Umim wemiapo amo wanuwi wà. Umuwete katu uzar ipupyaikaw pyrer ma'e hagapaw tetea'u hereko har pupe wà. Nezewe i'i wà. — Tupàn Tuweharupi Wiko Ma'e nuexak kwaw zaneremiapo a'e. Zanereityk a'e, i'i uzeupeupe wà.

Ezequiel 9:9

Uwazar Tupàn Tuweharupi Wiko Ma'e heze'eg ihewe. — Teko Izaew ywy rehe har wà, Zuta ywy rehe har wà no, uzapo ma'e iaiw wera'u ma'e wà. Uzuka teko ko ywy nànàn wà. Umynehem Zeruzarez upuruzuka haw pupe wà. — Tupàn Tuweharupi Wiko Ma'e zanereityk a'e, i'i wà. Nazanerexak kwaw a'e, i'i wà.