Jó 23:4 - Tupàn zeꞌeg

⁴ A'e mehe mo amume'u mo hekatu haw izupe. Amume'u mo heremiapo kwer paw ikatu haw izupe.

Jó 23:4 ပူးပေါင်းရင်းမြစ်များ

Gênesis 32:12

Izypy mehe eremume'uahy neremiapo ràm ihewe ne. — Xo ikatuahy ma'e zo uzeapo putar newe nehe, ere ihewe. — Nezuapyapyr waneta àwàm nuzawy kwaw ywyxig yryhu huwake har waneta haw wà nehe. Teko nupuner kwaw wapapar haw rehe wà nehe, ere ihewe kwehe mehe, i'i izupe.

Jó 13:18

Azemuàgà'ym hekatu haw imume'u àwàm rehe. Akwaw hekatu haw.

Jó 13:3

Heze'eg wer Tupàn upuner wera'u ma'e pe. Hepurumume'u wer heremiapo kwer rehe izupe.

Jó 23:3

Hepurukwaw wer hexakaw rehe. Ma'e pe aexak putar nehe. Heho wer zepe heko haw pe.

Jó 23:5

Hepurukwaw wer mo ihewe hemimume'u ràm rehe, Heze'eg ihewe hemiwazar ràm rehe no.

Jó 37:19

Uremu'e pe izupe ureze'eg àwàm rehe nehe. Ta'e nurupuner kwaw ma'e rehe urema'enukwaw katu haw rehe xe.

Jó 40:2

Izo, aiko Tupàn upuner wera'u ma'e romo ihe. Nezewe rehe we heàmàtyry'ym pe ne. Aipo erepytu'u putar nehe. Aipo erewazar putar heze'eg ihewe nehe.

Salmos 25:11

O Tupàn Tuweharupi Wiko Ma'e, ezapo ma'e ze'eg neremimume'u kwer rupi nehe. Emunàn heremiapo kwer ikatu 'ym ma'e nehe, ta'e heta tetea'u a'e wà xe.

Salmos 43:1

O Tupàn, emume'u hekatu haw nehe. Emume'u ikatu ma'e romo hereko haw nehe, A'e teko nemuwete 'ymar wanupe nehe. Hemunyryk kar hemu'em ma'e wanuwi nehe, ikatu 'ym ma'e wanuwi hemunyryk kar nehe.

Isaías 43:26

Teko heremiaihu wà, aze pepurumume'u wer amo heremiapo kwer rehe nehe, zaha tuwihaw wanenataromo nehe. Pemume'u kar heremiapo kwer hexak arer wanupe nehe. Xinu putar tuwihaw waze'eg nehe.