Jó 22:3 - Tupàn zeꞌeg

³ Aipo Tupàn upuner wera'u ma'e ipurukwaw wer imunar 'ym ma'e romo nereko haw rehe. Aze nekatu ma'e paw iapo mehe nehe, aipo nekatu putar izupe nehe.

Jó 22:3 ပူးပေါင်းရင်းမြစ်များ

1 Crônicas 29:17

Ereagaw teko wapy'a ne wà. Akwaw neremiapo. Erezamutar katu teko ikatu ma'e ne wà. Ko ma'e paw amono newe hemunar 'ym pà heremu'em 'ym pà ihe. Neremiaihu xe uzemono'og ma'e kwer a'e wà no, werur ma'e newe wà no, ta'e ipurerur wer hehe wà xe. Aexak herur mehe ihe wà.

Jó 21:15

— Tupàn upuner wera'u ma'e, peze izupe. Mo romo hekon a'e. Màràzàwe tuwe urumuawate putar nehe. Aze uruze'eg izupe nehe, ma'e uzapo putar urewe nehe, i'i wà.

Jó 22:2

Aipo amo teko upuner Tupàn ipytywà haw rehe. Te ma'e kwaw katu har, Aipo upuner ma'e iapo haw rehe izupe.

Jó 22:4

Nerenoz putar nerehe uzepyk pà nehe. Eremuwete katu Tupàn hehe nezeruze'eg pà. — Izo hemuwete katu a'e, a'e rupi ainoz putar hemiapo kwer imume'u pà nehe, hehe hezepyk pà nehe, ni'i kwaw Tupàn uzeupe.

Jó 34:9

— Màràzàwe tuwe azeagaw putar Tupàn imurywete kar pà nehe. Nuzapo kwaw ikatu ma'e ihewe a'e, i'i.

Jó 35:7

Aze erezapo ikatu ma'e, nerepytywà kwaw Tupàn nezewe haw iapo mehe. Nuputar kwaw ni pitài nema'e a'e.

Salmos 119:59

Hema'enukwaw tuweharupi heremiapo ràm rehe. Amume'u ko ma'e kury. Ata putar nepurumu'e haw rupi nehe.

Salmos 39:1

Aze'eg nezewe hezeupe ihe. — Azekaiw katu hereko àwàm rehe ihe nehe. Nezewe mehe heapeku nuzapo kar kwaw ikatu 'ym ma'e ihewe nehe. Teko ikatu 'ym ma'e heywyr waneko mehe nehe, Naze'eg kwaw ihe nehe, a'e hezeupe.

Provérbios 11:1

Aze ma'e me'egar imunar temetarer rehe puhuz taw hexak kar haw pupe a'e, a'e awa iro Tupàn Tuweharupi Wiko Ma'e pe a'e. Puhuz taw hexak kar haw ikatu ma'e hereko har ikatu Tupàn pe wà.

Provérbios 11:20

Py'a iaiw ma'e hereko har iro Tupàn Tuweharupi Wiko Ma'e pe. Hurywete teko ikatu ma'e wanehe.

Provérbios 12:22

Hemu'em ma'e iro Tupàn Tuweharupi Wiko Ma'e pe wà. Uzamutar katu ze'eg azeharomoete har imume'u har wà.

Provérbios 15:8

Aze ikatu 'ym ma'e uzuka ma'ea'yr Tupàn Tuweharupi Wiko Ma'e henataromo wà, iro Tupàn pe. Aze ikatu ma'e uze'eg izupe wà, hurywete a'e.

Provérbios 9:12

Aze ma'e kwaw katu har romo ereiko nehe, ikatu putar nereko haw nehe. Aze ereze'eg urywahyahy ma'e paw rehe nehe, ne ae erepuraraw putar ma'erahy a'e rupi nehe.

Malaquias 2:17

Peze'eg tetea'u peiko. Tupàn Tuweharupi Wiko Ma'e ikene'o peze'eg awer henu re. Pepuranu wiwi peiko. — Ma'e uruzapo Tupàn imukene'o kar pà ure, peze. — Ikatu 'ym ma'e iapo har ikatu Tupàn Tuweharupi Wiko Ma'e pe wà, peze mua'u peiko. A'e rupi napekatu kwaw izupe. — Ma'e pe hekon Tupàn ikatu ma'e a'e, peze peiko.

Atos 24:16

A'e rupi azeagaw tuweharupi ikatu ma'e zutyka'i iapo pà ihe. A'e rupi Tupàn a'e nehe, teko a'e wà nehe no, nupuner kwaw ikatu 'ymaw heremiapo kwer imume'u haw rehe a'e wà nehe, ta'e naheta kwaw xe. Ta'e akwaw heremiapo kwer ikatu haw ihe xe.

2 Coríntios 7:1

A'e ma'e Tupàn umume'u zanewe paw rupi a'e, hemyrypar heremiamutar wà. Uzapo putar a'e ma'e ureremimume'u kwer rupi paw rupi a'e nehe. A'e rupi zatyryk ikatu 'ym ma'e wi paw rupi zane nehe. Aze amo ma'e umuaiw zaneretekwer nehe, zatyryk izuwi nehe. Aze amo ma'e umuaiw zanerekwe nehe, zatyryk izuwi nehe no. Zazemonokatu tuwe Tupàn pe nehe, ikatu 'ym ma'e wi zanetyryk pà paw rupi nehe no. Ximuwete katu Tupàn nehe, hehe zanezeruzar pà nehe, hagaw 'ym pà nehe.

Filipenses 4:18

Uhem penemimur xe ihewe. Eparoxi werur ihewe. Uhyk tuwe ihewe. Ihewe penemimur kwer a'e, nuzawy kwaw ma'e Tupàn pe imur pyrer a'e. Ikatuahy izupe.