Jó 22:16 - Tupàn zeꞌeg

¹⁶ Umàno na'arewahy wà. Wiko 'y uwyrykahy ma'e hemiraha kwer zàwenugar romo wà.

Jó 22:16 ပူးပေါင်းရင်းမြစ်များ

Gênesis 7:11

A'e 'ar mehe, Noe wereko 600 kwarahy. Umumaw pitài zahy a'e pe wiko pà wà. Umumaw amo 17 'ar kanuhu pupe wata pà wà no. A'e 'ar mehe 'yzygwar yryhu iwy pe har uzewàpytymawok upaw rupi wà. Ywak uzewàpytymawok ukenaw ài no.

Jó 14:19

'Y u'ar ita rehe imukwamukwar pà. 'y ywy rehe uwyrykahy ma'e weraha ywy uzeinuinuromo. Nezewegatete eremumaw teko wama'eràrogatu haw wanuwi ne.

Jó 15:32

Uxinig putar u'ar 'ym mehe we nehe. Nuzawy kwaw ywyra hàkà uxinig ma'e kwer hezuz pixik 'ym ma'e ràm hereko har.

Jó 21:13

Ikatu 'ym ma'e umumaw ukwarahy temetarer tetea'u inuromo wà. Umàno zeàmàtyry'ym 'ymaw rehe ma'erahy ipuraraw 'ym pà wà.

Jó 21:18

Ma'e 'ar mehe umuhàmuhàz ka'akyr ài wà. Ma'e 'ar mehe ywytu weraha ywyku'i kwer ài a'e. Ma'e 'ar mehe Tupàn weraha ikatu 'ym ma'e nezewe a'e wà.

Jó 24:18

Zopar uze'eg putar a'e nehe kury. 'Y uwyrykahy ma'e weraha awa ikatu 'ym ma'e a'e. Tupàn omono uze'egaiw iziwy rehe. Nuzewyr kwaw oko pe ma'ywa tyw pe uma'ereko pà.

Jó 36:14

Uzapo iaiw ma'e amo awa wapuhe wà. A'e rupi umàno kwàkwàmo romo wiko mehe we wà.

Jó 4:19

Aipo erezeruzar putar teko wanehe nehe. Wiko ywyzuwa iapo pyrer romo wà. Tupàn umuzuwazuwa ywy iku'i kwer teko romo iapo pà. Wiko pànàmiràn zàwe wà. Wyzài upuner wakamikamikaw rehe wà.

Salmos 102:24

O hezar, hereraha zo pe kury. Xo hereko haw iku'aw har zo amumaw. Hezar, ereikuwe putar tuweharupi nehe.

Salmos 55:23

Ne, o Tupàn, ereityk putar Puruzuka ma'e umàno ma'e kwer wapyta haw iwy pe nehe. Numumaw kwaw ukwarahy iku'aw har wiko pà wà nehe. Ihe zote azeruzar putar nerehe nehe.

Salmos 90:5

Eremumaw teko waneko haw ne wà. Nuzuawy kwaw awa ipuahu haw. Na'arewahy upaw. Waneko haw nuzawy kwaw ka'a ku'em mehe hezuz ma'e.

Provérbios 10:27

Tupàn Tuweharupi Wiko Ma'e wi ukyze ma'e umumaw putar kwarahy tetea'u wiko pà wà nehe. Ikatu 'ym ma'e umàno u'ar 'ym mehe wà.

Eclesiastes 7:17

Eiko zo ikatu 'ym wera'u ma'e iapo har romo nehe. Eiko zo iranaiw wera'u ma'e romo nehe no. Aze mo nezewe, eremàno mo ne'ar 'ym mehe we nehe.

Isaías 28:2

Tupàn Tuweharupi Wiko Ma'e omono kar putar amo awa ikàg ma'e ukyze 'ym ma'e a'e nehe. Ur putar àmànita ikyrahy haw ài nehe. Nuzawy kwaw ywytuaiw tàpuz heitykar nehe. Nuzawy kwaw àmànuhu ikyr haw nehe. Umuaiw putar ma'e paw imumaw pà nehe.

2 Pedro 2:5

Kwehe mehe teko ywy rehe har na'ipureruzar wer kwaw Tupàn rehe a'e wà. Tupàn umugyr kar àmànuhu imuwà wanupe, wapixipaw pà. Upyro Tupàn Noe 'y wi a'e, ta'e Noe umume'u Tupàn ze'eg teko wanupe a'e xe. — Pepytu'u ikatu 'ym ma'e iapo re nehe, i'i wanupe tuweharupi. A'e rupi Tupàn upyro a'e, amo 7 teko wapyro pà a'e no. Noe iànàm romo wanekon a'e 7 teko wà.