Jó 22:10 - Tupàn zeꞌeg

¹⁰ A'e rupi ikatu 'ym ma'e umàmàn neywyr kury. Na'arewahy nekyze haw wiko nezar romo no.

Jó 22:10 ပူးပေါင်းရင်းမြစ်များ

Jó 13:21

Erezepyk iko herehe. Epytu'u kury. Epytu'u hemukyze kar ire.

Jó 15:21

Uze'eg ma'e upurumukyzeahy kar ma'e umynehem wapyakwar wà. — Ni amo nuzapo kwaw ikatu 'ym ma'e ihewe wà nehe, aze i'i wà nehe, A'e 'ar mehe we imunar ma'e ipuruzukaiwahy ma'e uzàmàtyry'ym putar wà wà nehe.

Jó 18:11

Ukyzeahy, ta'e teko tetea'u umume'u izuka àwàm wà xe. Iata mehe tuweharupi oho haikweromo wà.

Jó 19:6

Nan kwaw nezewe. Tupàn uzepyk e herehe. Nazapo kwaw ikatu 'ym ma'e. A'e uzapo miar ipyhykaw zàwenugar hepyhyk pà a'e.

Jó 36:17

Amo 'ar mehe umume'u neremiapo kwer ikatu 'ym ma'e a'e, nerehe uzepyk àwàm imume'u pà a'e. Ko 'ar rehe uzepyk nerehe neremiapo kwer hekuzaromo kury.

Jó 5:5

Ima'uhez ma'e uputar hemetarer wà. U'u te hemi'u ràm imonokatu pyrer ko wi ipo'o pyrer wà no. Te arozràn xu inuinuromo hezuz ma'e kwer u'u wà.

Jó 6:4

Tupàn upuner wera'u ma'e hezywa u'yw puruzuka haw hereko har pupe a'e. A'e puruzuka haw wixe hepy'a pupe. Heàmàtyry'ym awer pupe Tupàn hemynehem hekyzeahy haw pupe no.

Salmos 11:6

Tupàn weityk ma'ezu ukaz ma'e purumuahy ma'e a'e, ikatu 'ym ma'e wanehe a'e. Tàtàpyz weityk wanehe no. Uzepyk wanehe ywytu haku ma'e wamur kar pà wanehe. Ukaz wà.

Provérbios 1:27

Pemukyzeahy haw ur putar àmàn ywytuaiw inuromo har ài nehe. Peneko haw zawaiw katu haw nuzawy kwaw ywytuaiw nehe. Apuka putar a'e 'ar mehe nehe. Ma'erahy ipuraraw paw rehe peho mehe nehe, ipuraraw tuwe mehe nehe, apuka putar penehe nehe.

1 Tessalonicenses 5:3

Kuzà ipuru'a ma'e a'e, nukwaw kwaw umemyrahy haw wi uhem àwàm a'e. — Nahepurupuraraw wer kwaw zepe a'e ma'erahy rehe ihe, i'i putar zepe uzeupe nehe. Nan kwaw pa. Upuraraw putar a'e ma'erahy azeharomoete nehe. Nupuner kwaw uhemaw rehe izuwi nehe. Nezewegatete teko a'e wà nehe no. Nukwaw kwaw ma'erahyhu iahykaw rehe har ihemaw 'ar a'e wà no. — Xo ikatuahy ma'e uzeapo iko zanewe kury, naxipuraraw kwaw ma'erahy zaiko zane kury, i'i putar uzeupeupe wà nehe. Na'arewahy a'e 'ar mehe we uhem putar ma'erahyhu iahykaw rehe har a'e nehe. — Nahepurupuraraw wer kwaw zepe ko ma'erahy rehe ihe, i'i putar zepe uzeupe wà nehe, a'e kuzà ài wà nehe. Nan kwaw pa. Upuraraw putar tuwe a'e ma'erahyhu wà nehe. Nupuner kwaw uhemaw rehe izuwi wà nehe.