Jó 21:25 - Tupàn zeꞌeg

²⁵ Amo awa nuiko kwaw wazàwe wà. Ni pitài haw nahurywete kwaw wà. Wapy'a tynehem iro haw pupe wamàno mehe wà.

Jó 21:25 ပူးပေါင်းရင်းမြစ်များ

2 Samuel 17:8

Neru Tawi a'e, awa hehe we har a'e wà no, zauxiapekwer puruàmàtyry'ym ma'e ikàg ma'e romo wanekon a'e wà. Wikwahy ko 'ar rehe wà. Zàwàruhu ka'a pe har ài uruxu her ma'e ài wanekon wà. Aze nemunar zàwàruhu imemyr rehe nehe, wikwahy putar a'e nehe. Nezewegatete Tawi rehe we har wiko ko 'ar rehe wà no. Neru wiko zauxiapekwer romo a'e. Ukwaw katu puruàmàtyry'ymaw a'e. Pyhaw nupyta kwaw zauxiapekwer wanehe we.

1 Reis 17:12

Na'e uwazar kuzà ize'eg izupe. — Amume'u ko ma'e Tupàn Tuweharupi Wiko Ma'e nezar henataromo kury. — Naheta kwaw typy'ak heràpuz me. Xo arozràn ku'i kwer pixika'i ma'e zo heta amo kawaw pupe. Xo uri kawer pixika'i ma'e zo heta amo y'a pupe ihewe no. Aiko xe zepe'aw pixika'i hekar pà. Amimoz putar amo ma'e hezeupe nehe, hememyr kwarer pe nehe no. Urumai'u putar nehe. A'e re urumàno putar urema'uhez pà nehe kury, i'i izupe.

Jó 10:1

Hekene'o hereko haw wi. Amume'u putar hema'enukwaw paw ihe nehe kury, Iro haw hepy'a pe har imume'u pà nehe kury.

Jó 20:23

Tuwe umynehem upy'a nehe. Ta'e Tupàn umu'ar kar putar wekwahy haw hehe nehe xe. Tupàn umugyr kar putar wekwahy haw hehe àmàn ài nehe.

Jó 21:24

Na'ima'eahy pixik kwaw wà. Tynehem ukàgaw pupe wà no.

Jó 21:26

Màràmàràn umàno wà. Waànàm uzutym wanetekwer wà. Merua'yr upyupyk wanetekwer wà.

Jó 3:20

Màràzàwe tuwe uzemumikahy ma'e wexak wiwi tatainy wà. Màràzàwe tuwe teko nuzuka kwaw upy'a pupe uzemumikahy ma'e wà.

Jó 7:11

A'e rupi napuner kwaw hepyta haw rehe xe heze'eg 'ym pà ihe. Apuraraw ma'erahy teko. Heze'eg wer. Hepurumume'u wer ikatu 'ym ma'e ihewe uzeapo ma'e kwer rehe. Ta'e hepy'a tynehem iro haw pupe a'e xe.

Jó 9:18

Nahemupytuhem kar kwaw. Umynehem hereko haw iro haw pupe no.

Provérbios 14:10

Xo ne zo erekwaw iro haw nepy'a pe har. Nerurywete haw no, nerepuner kwaw imuza'akaw rehe teko neremigwaw 'ym wanupe ikurer imono haw rehe no.

Eclesiastes 6:2

Tupàn omono wanemimutar paw amo teko wanupe a'e: temetarer tetea'u, ywy tetea'u, tàpuz tetea'u. Ukwaw katu kar a'e teko ikàg ma'e amogwer wanupe wà no. A'e re numurywete kar kwaw a'e teko a'e ma'e paw pupe wà. Amo ae teko ikwaw pyr 'ym uzemurywete kar wama'e rehe. Na'ikatu kwaw nezewe haw. Uzeapo na'arewahy ukàzym ma'e ràm romo a'e.

Ezequiel 12:18

Awa ta'yr, eryryryryz nekyze pà nemai'u mehe nehe. Ekyzeahy nei'u mehe nehe.