Jó 21:20 - Tupàn zeꞌeg

²⁰ Tuwe Tupàn uzepyk ikatu 'ym ma'e iapo har rehe nehe. Tuwe nuzepyk kwaw amo rehe nehe. Tuwe a'e ae upuraraw Tupàn upuner wera'u ma'e ikwahy haw nehe.

Jó 21:20 ပူးပေါင်းရင်းမြစ်များ

Jó 21:21

Aze wiko umàno ma'e kwer romo, aze wiko umàno ma'e kwer wapyta haw pe oho ma'e kwer romo, Aze iànàm wikuwe ma'e upuraraw ma'erahy hekuzaromo wà nehe, Nuzekaiw kwaw wanehe nehe.

Jó 21:30

Nezewe i'i a'e teko wà. — Tupàn ikwahy mehe teko wanehe izepyk mehe, Awa ikatu 'ym ma'e uzepyro izuwi wà.

Jó 27:19

Awa ikatu 'ym ma'e oho uker haw rehe hemetarer katu ma'e romo. Noho wi kwaw nezewe nehe. Ume'e mehe nuexak kwaw wemetarer, ta'e oho izuwi xe.

Jó 6:4

Tupàn upuner wera'u ma'e hezywa u'yw puruzuka haw hereko har pupe a'e. A'e puruzuka haw wixe hepy'a pupe. Heàmàtyry'ym awer pupe Tupàn hemynehem hekyzeahy haw pupe no.

Salmos 60:3

Erepuraraw kar ma'erahy tetea'u neremiaihu wanupe. Eremur win urewe i'u kar pà urewe. A'e rupi uruata kwerupi ureka'u pà ure.

Salmos 75:8

Tupàn Tuweharupi Wiko Ma'e wereko amo kanekpuku opo pe. Tynehem win zàwenugar pupe a'e. Ikwahy haw pupe tynehem. U'u kar ipor ikatu 'ym ma'e wanupe. Paw rupi i'un wà.

Salmos 75:9

Ihe aze'eg putar Tupàn Zako izar rehe tuweharupi ihe nehe. Amuzàg putar zegar haw ikatu haw rehe nehe no.

Isaías 51:17

Eme'e, Zeruzarez, eme'e nepu'àm pà nehe. Tupàn Tuweharupi Wiko Ma'e u'u kar wekwahy haw peme win ài a'e. Pei'u ipupe paw rupi. Peka'u i'u re.

Jeremias 31:30

Nan kwaw nezewe nehe. Uwà i'u har wanàz ikorozahy putar nehe. Pitàitàigatu umàno putar wemiapo kwer ikatu 'ym ma'e hekuzaromo wà nehe.

Jeremias 51:7

Mawiron nuzawy kwaw kanek ipuku ma'e or iapo pyrer hepo pe har a'e. Teko ywy nànànar uka'u ipor i'u mehe wà. U'u win ipupe har uzemue'o kar pà wà.

Ezequiel 18:4

Ta'e aiko teko wanekuwe haw paw wazar romo ihe xe. Tu waneko haw, ta'yr waneko haw no, aiko wazar romo paw rupi ihe. Aze wyzài teko uzapo ikatu 'ym ma'e nehe, umàno putar nehe.

Números 14:28

Eze'eg nezewe 'aw teko wanupe nehe, heze'eg imume'u pà wanupe nehe. — Amume'uahy ko ma'e hereko haw rehe ihe kury. Amono putar peneminozgwer peme ihe nehe. Ihe Tupàn Tuweharupi Wiko Ma'e aiko ko ze'eg imume'u har romo ihe.

Lucas 16:23

Upuraraw ma'erahy tetea'u tatahu pe wiko mehe. Ume'e ywate. Wexak Àmàrààw a'e pe. Wexak Arazar Àmàrààw huwake iapyk mehe no. Muite a'u wanekon izuwi wà.

Apocalipse 14:10

Tupàn wikwahy putar a'e teko wanehe a'e nehe, i'i oho iko uwewe pà. — Wikwahy tuwe putar wanupe nehe, wanehe uzepyk pà nehe, i'i oho iko uwewe pà. — Omono kar putar a'e teko tatahu pe wà nehe, weko haw pe har ikatuahy ma'e wanuwa rupi wà nehe, Àràpuhàràna'yr zàwenugar huwa rupi wà nehe no, i'i oho iko uwewe pà.

Apocalipse 19:15

Takihe haime katu ma'e uhem izuru wi. Uzuka putar teko tetea'u ywy nànànar a'e wà nehe, utakihe puku pupe a'e wà nehe. Weruze'eg putar wikuwe ma'e a'e wà nehe no, ukàgaw pupe a'e wà nehe no. Uzepyk putar tuwe wikuwe 'ym ma'e wanehe nehe, ta'e Tupàn wikwahy tuwe wanupe a'e xe.