Jó 20:5 - Tupàn zeꞌeg

⁵ Ikatu 'ym ma'e numumaw kwaw kwarahy tetea'u hurywete pà. Aze ma'e ikatu izupe, upaw na'arewahy izuwi.

Jó 20:5 ပူးပေါင်းရင်းမြစ်များ

2 Samuel 18:14

— Nuruàro kwaw nezewe ihe nehe, i'i Zoaw izupe. Na'e upyhyk Zoaw na'iruz ywyra purukutukaw kury. Ukutuk Àmixàràw ipuxi'a rehe purukutukaw pupe, hekuwe mehe we, kawar rehe izaiko mehe we.

2 Samuel 18:15

10 zauxiapekwer Zoaw hehe we har umàmàn Àmixàràw izywyr wà. Umumaw izuka haw wà.

Ester 7:10

Na'e u'azuwyk Àmà teko i'azuwykaw rehe hemiapo kwer rehe. Ta'e ipuruzuka kar wer Monekaz rehe hehe a'e xe. A'e re tuwihawete ikwahy haw hakuir wewer kury.

Jó 21:28

Pepuranu pezehezehe. — Ma'e pe oho a'e awa upuner ma'e hàpuz. Wiko ikatu 'ym ma'e iapoapo pà a'e, peze peiko.

Jó 27:8

Tupàn o'ok putar hehe uzeruzar 'ym ma'e waneko haw wanuwi nehe. Ma'e wàro putar i'ok ire wà nehe.

Jó 34:30

Nupuner kwaw ma'e iapo haw rehe uzepyro pà awa ikatu 'ym ma'e wanuwi wà nehe. A'e awa ikatu 'ym ma'e wiko putar wanuwihaw romo wà nehe, imunar putar wama'e rehe wà nehe no.

Jó 5:3

Amo 'ar mehe aexak amo awa ma'ekwaw 'ymar ihe. Oho katu ru'u heko haw izupe. Amono heze'egaiw hehe ihe, iànàm wanehe ihe no.

Jó 8:19

Nezewe ikatu 'ym ma'e waneko haw upaw. Amo teko uhem wanekuzaromo wiko pà wà.

Salmos 37:10

Nan kwehe tete teko ikatu 'ym ma'e ukàzym putar wà nehe. Erekar putar eho nehe wà nehe. Nerexak kwaw wà nehe.

Salmos 94:3

Ikatu 'ym ma'e umumaw kwarahy tetea'u urywete romo wà. Màràzàwe tuwe neremupytu'u kar kwaw ne wà, o Tupàn Tuweharupi Wiko Ma'e.

Salmos 94:4

Màràn mehe upytu'u putar wiko wera'u re wà nehe. Màràn mehe upytu'u putar wemiapo kwer ikatu 'ym ma'e imume'u re wà nehe.

Mateus 7:21

(Uze'eg wiwi Zezuz wemimu'e wanupe.) — Hezar romo ereiko ne, hezar romo ereiko ne, aze awa i'i ihewe a'e nehe, aze uzapo heru ywate har hemiapo putar haw a'e nehe, wiko putar heremiruze'eg romo a'e nehe. Wiko putar heru ywate har hemiruze'eg romo a'e nehe no. — Hezar romo ereiko ne, hezar romo ereiko ne, aze awa i'i ihewe a'e nehe, aze nuzapo kwaw heru hemiapo putar haw a'e nehe, nuiko kwaw heremiruze'eg romo a'e nehe, nuiko kwaw heru ywate har hemiruze'eg romo a'e nehe no.

Gálatas 6:4

Aze amo uzapo ikatu ma'e nehe, tuwe ni'i kwaw nezewe nehe. — Heremiapo kwer ikatu wera'u amo hemiapo kwer wi ihe, tuwe ni'i kwaw uzeupe nehe. — Ikatu heremiapo kwer ihe, tuwe i'i nehe. Tuwe xo a'e zo umume'u nehe.

Tiago 4:16

Ko 'ar rehe peze'egaw na'ikatu kwaw Tupàn pe. — Akwaw wera'u Tupàn ze'eg ihe, amogwer wanuwi ihe, peze peiko. Na'ikatu kwaw nezewe peze'egaw izupe.