Jó 20:25 - Tupàn zeꞌeg

²⁵ Ozo'ok putar u'yw ikupe wi wà nehe. Huwykwer heny putar u'yw rehe nehe. Ma'e wi ikyze haw wiko putar izar romo nehe.

Jó 20:25 ပူးပေါင်းရင်းမြစ်များ

2 Samuel 18:14

— Nuruàro kwaw nezewe ihe nehe, i'i Zoaw izupe. Na'e upyhyk Zoaw na'iruz ywyra purukutukaw kury. Ukutuk Àmixàràw ipuxi'a rehe purukutukaw pupe, hekuwe mehe we, kawar rehe izaiko mehe we.

Jó 15:21

Uze'eg ma'e upurumukyzeahy kar ma'e umynehem wapyakwar wà. — Ni amo nuzapo kwaw ikatu 'ym ma'e ihewe wà nehe, aze i'i wà nehe, A'e 'ar mehe we imunar ma'e ipuruzukaiwahy ma'e uzàmàtyry'ym putar wà wà nehe.

Jó 16:13

Umàmàn u'yw pupe heywyr hezywàzywà pà. U'yw ukutuk heku'azarer. Waxaw oho. Nahepuhareko kwaw. Nuzemumikahy kwaw herehe. Hepy'a rupi arer uwyryk ywy rehe no.

Jó 18:11

Ukyzeahy, ta'e teko tetea'u umume'u izuka àwàm wà xe. Iata mehe tuweharupi oho haikweromo wà.

Jó 18:14

Wiko katu wàpuz me. Amo ozo'ok hàpuz wi tuwihawete màno haw her ma'e henataromo heraha pà wà.

Jó 27:20

Ikyzeahy haw nuzawy kwaw 'y ko imimar. Typy haw wà. Upyk putar imumaw pà. Pyhaw ywytuaiw àmàn inuromo har omomor putar muitea'u nehe.

Jó 6:4

Tupàn upuner wera'u ma'e hezywa u'yw puruzuka haw hereko har pupe a'e. A'e puruzuka haw wixe hepy'a pupe. Heàmàtyry'ym awer pupe Tupàn hemynehem hekyzeahy haw pupe no.

Salmos 7:12

Aze nuzemumikahy kwaw wemiapo kwer rehe wà nehe, aze nupytu'u kwaw ikatu 'ym ma'e iapo re wà nehe, Tupàn umuaime putar utakihepuku nehe. Umuàgà'ym uwyrapar u'yw imomor àwàm.

Salmos 73:19

Na'arewahy eremumaw ikatu 'ym ma'e ne wà. Iaiw wamumaw paw.

Salmos 88:15

Hekwàkwàmo romo hereko mehe arer we apuraraw ma'erahy ihe. Màno haw huwake ata aha. Hekene'o herehe nezepyk awer ipuhuz taw rehe.

2 Coríntios 5:11

Urukwaw Tupàn wi urekyze haw ure. A'e rupi urumume'u ize'eg oroho uruiko purupe. Aze teko uzeruzar hehe wà nehe, urerurywete putar nehe. Tupàn zanekwaw katu paw rupi a'e. Tuwe hekwaw pe pepy'a pe nezewegatete pe nehe no.

Deuteronômio 32:41

Amuaime katu putar hetakihe puku heny katu ma'e ihe nehe. Azypyrog putar ikatu 'ym ma'e iapo har wanehe hezepyk pà nehe. Azepyk putar heàmàtyry'ymar wanehe nehe. Azepyk putar herehe iakatuwawahy 'ym ma'e wanehe nehe no.