Jó 20:18 - Tupàn zeꞌeg

¹⁸ Weityk putar ma'e uma'ereko haw pupe wemimono'og kwer nehe. Hemetarer numurywete kar kwaw nehe.

Jó 20:18 ပူးပေါင်းရင်းမြစ်များ

Jó 20:10

Imunar teko hemetarer 'ym ma'e wanemetarer rehe wikuwe mehe. Ta'yr umuzewyr putar wanemetarer wanupe wà nehe.

Jó 20:15

Awa ikatu 'ym ma'e uhuhuk, temetarer amo wanuwi wemipyhyk kwer imur pà wie wi. Ta'e imunar hehe xe. Tupàn wenuhem hie wi.

Jó 20:5

Ikatu 'ym ma'e numumaw kwaw kwarahy tetea'u hurywete pà. Aze ma'e ikatu izupe, upaw na'arewahy izuwi.

Jó 27:17

Amo 'ar mehe amo teko ikatu ma'e umunehew putar a'e kamir a'e wà nehe. Amo awa imunar 'ym ma'e wiko putar a'e parat izar romo wà nehe no.

Jó 31:25

Heremetarer katu kwehe mehe ihe. Nezewe rehe we naiko wera'u kwaw amo wanuwi. — Temetarer imono'ogaw akwaw katu wera'u pewi ihe, na'e kwaw amo wanupe.

Jó 31:29

Naherurywete pixik kwaw heàmàtyry'ymar ma'erahy ipuraraw mehe ihe. Iaiw haw wanupe ihem mehe naherurywete kwaw.

Jó 31:8

A'e mehe, tuwe amo teko u'u heremitygwer wà nehe. Tuwe amo umumaw hema'etymaw wà nehe.

Provérbios 1:12

Wanexak mehe wikuwe putar wà nehe. Na'ima'eahy kwaw wà rihi. Ximumaw putar zane wà nehe.

Provérbios 21:20

Awa ma'e kwaw par ima'e uhyk tuwe izupe. Hemetarer katu a'e. Ma'e kwaw 'ymar nuiko kwaw izàwe, ta'e hemetarer hemimono'og paw uhem ipo wi a'e xe.

Jeremias 22:13

Aze amo uzapo tawhu purupe ma'erahy ipuraraw kar pà wà nehe, ma'e rehe imunar pà wà nehe, aze numekuzar kwaw uwake har wama'ereko haw nehe, aze umuma'ereko e kar wà nehe, uzemumikahy putar wà nehe, ta'e azepyk putar wanehe nehe xe.

Jeremias 22:17

Xo neremetarer neremimono'og ràm zo erexak iko. Erezuka ikatu 'ym ma'e iapo 'ymar ne wà. Erepuraraw kar ma'erahy teko wanupe wama'e rehe nemunar pà, i'i Tupàn tuwihawete pe.

Jeremias 51:34

Mawiron wanuwihawete upei'ài'àg Zeruzarez a'e. A'e re u'u. Wenuhem teko paw a'e wi wà. Wenuhem ma'e paw no. Nuzawy kwaw 'y y'a wi uzeakook ma'e. Nuzawy kwaw àzàg tawhu i'u arer. Weraha wemimutar paw. Weityk ikurer.

Jeremias 51:44

Azepyk putar Mew Mawiron watupàn rehe ihe nehe. Imunar hema'e rehe a'e. Amuzewyr kar putar a'e ma'e ihe nehe. Teko ywy nànànar upytu'u putar imuwete re a'e wà nehe. — Mawiron ipàrirogawtàtà u'ar kwez kury.

Lamentações de Jeremias 2:16

Neàmàtyry'ymar paw uze'eg zemueteahy nerehe upuka pà wà. Na'iakatuwawahy kwaw nerehe wà. A'e rupi — Ximumaw Zeruzarez zane, i'i wà. — Uhem 'ar zaneremiàro kwez kury, i'i wà. — Xixak uzeapo ma'e kwer paw rupi zane, i'i wà.

Ezequiel 7:12

Uhem amo 'ar iko. Na'iàrew kwaw kury. A'e 'ar mehe teko ume'eg e ma'e wà nehe, ume'eg kar e ma'e wà nehe no. Ta'e Tupàn Tuweharupi Wiko Ma'e ikwahy haw u'ar wanehe paw rupi nehe xe, ikàg ma'e wanehe nehe, ikàg 'ym ma'e wanehe nehe no.

Oséias 9:1

— Pepytu'u penurywete re nehe, teko Izaew wà. Pezapo mynykawhu amo ae ywy rehe har ài. Pepytu'u iapo re nehe. Pepuir Tupàn wi. Pemuwete katu tupàn a'ua'u wà kury. Arozràn ixokaw nànàn pezeme'eg kuzàwyzài ài awa wyzài ài tupàn Ma'aw her ma'e imuwete katu pà. Hekuzar peme imur pyrer ikatuahy peme a'e.

Amós 8:4

Peinu katu ko ze'eg nehe. Pezapo ikatu 'ym ma'e ma'e hereko 'ymar wanupe. Pezo'ok e temetarer hereko 'ymar wanuwi ko ywy rehe.

Mateus 23:13

Uze'eg Zezuz upurumu'e ma'e wanupe kury. — Pe upurumu'e ma'e pe ty wà, pe ze'eg kwehe arer kwaw par parizew her ma'e pe no ty wà, Tupàn uzepyk putar penehe a'e nehe, ta'e pepurumu'e peiko Tupàn ze'eg rehe pe xe, ta'e naperuzar kwaw a'e ze'eg pe xe. Pemupytu'u kar teko Tupàn hemiruze'eg romo waneko re pe wà. Pe napeiko kwaw hemiruze'eg romo. Aze awa uzeagaw Tupàn hemiruze'eg romo wiko pà a'e nehe, — Kwa, nerepuner kwaw, peze putar izupe nehe.

Mateus 23:24

Hehàpyhà 'ym ma'e amo hehàpyhà 'ym ma'e heraha har ài peiko. Aze meru u'ar pekanek pupe, nape'u kwaw ipor. A'e 'ar mehe we pemokon kawaru kupewa'a.

Deuteronômio 28:30

— Eiko heremireko romo nehe, ere putar amo kuzàwaza pe nehe. Nezewe rehe we amo awa uker putar ipuhe nehe. Erezapo putar neràpuz ràm nehe. Nezewe rehe we nereiko kwaw ipupe nehe. Erezutym putar uwà 'yw nehe. Neremono'og kwaw i'a kwer nehe.

Deuteronômio 28:33

Amo ywy rehe har ur putar wà nehe, arozràn penemitygatu kwer penemipo'o katu kwer heraha pà wà nehe. Tuweharupi uzapo putar ikatu 'ym ma'e peme wà nehe. Tuweharupi uzeagaw putar ikatu 'ym ma'e iapo pà peme wà nehe no.