Jó 20:15 - Tupàn zeꞌeg

¹⁵ Awa ikatu 'ym ma'e uhuhuk, temetarer amo wanuwi wemipyhyk kwer imur pà wie wi. Ta'e imunar hehe xe. Tupàn wenuhem hie wi.

Jó 20:15 ပူးပေါင်းရင်းမြစ်များ

Jó 20:10

Imunar teko hemetarer 'ym ma'e wanemetarer rehe wikuwe mehe. Ta'yr umuzewyr putar wanemetarer wanupe wà nehe.

Jó 20:14

Na'e uwezyw ipy'a pe kury. A'e pe uzeapo puruzuka haw iro ma'e romo.

Jó 20:18

Weityk putar ma'e uma'ereko haw pupe wemimono'og kwer nehe. Hemetarer numurywete kar kwaw nehe.

Jó 20:20

Ma'e hemimono'og kwer ipo pe har numurywete kar pixik kwaw uzar. Tuweharupi uputar amo. Na'e uputar amo no.

Jó 20:28

Tupàn uzakook putar wekwahy haw wanehe nehe. A'e 'ar mehe umumaw putar wanemetarer paw rupi nehe no.

Salmos 109:11

Tuwe tuwihaw o'ok heàmàtyry'ymar ima'e paw izuwi wà nehe, inewer haw imekuzar pà wà nehe. Umumaw kwarahy tetea'u uma'ereko katu pà uma'e imono'og pà. Tuwe amo ae ywy rehe har upyro ima'e izuwi a'e wà nehe.

Provérbios 21:20

Awa ma'e kwaw par ima'e uhyk tuwe izupe. Hemetarer katu a'e. Ma'e kwaw 'ymar nuiko kwaw izàwe, ta'e hemetarer hemimono'og paw uhem ipo wi a'e xe.

Provérbios 23:8

Nehuhuk wer putar nehe. Erehuhuk putar neremi'u kwer imuzewyr pà nehe. Neze'egatu awer paw ukàzym e.

Jeremias 51:34

Mawiron wanuwihawete upei'ài'àg Zeruzarez a'e. A'e re u'u. Wenuhem teko paw a'e wi wà. Wenuhem ma'e paw no. Nuzawy kwaw 'y y'a wi uzeakook ma'e. Nuzawy kwaw àzàg tawhu i'u arer. Weraha wemimutar paw. Weityk ikurer.

Jeremias 51:44

Azepyk putar Mew Mawiron watupàn rehe ihe nehe. Imunar hema'e rehe a'e. Amuzewyr kar putar a'e ma'e ihe nehe. Teko ywy nànànar upytu'u putar imuwete re a'e wà nehe. — Mawiron ipàrirogawtàtà u'ar kwez kury.

Habacuque 2:6

Teko heityk pyrer a'e wà, uze'eg zemueteahy Mawiron pe har wanehe wà. Uze'eg urywahyahy wanehe wà no. Nezewe uze'eg wanupe wà. — Pezeapo hemetarer katu ma'e romo amo teko wama'e ipyro pà. Pezemumikahy nehe. Aze penewer amo temetarer rehe amo pe, pemekuzar kar penewer haw amo ae pe. Màràn kwarahy pemumaw putar agwer ma'e iapo pà nehe, i'i wanupe wà.