Jó 20:11 - Tupàn zeꞌeg

¹¹ Hetekwer ipyahu ma'e ikàg ma'e uzeapo putar ywyku'i romo nehe.

Jó 20:11 ပူးပေါင်းရင်းမြစ်များ

Jó 13:26

Eremuapyk heremiapo kwer iaiw ma'e pape rehe. — Nepurumekuzar kar wer heremiapo kwer ikatu 'ym ma'e hekwàkwàmo mehe arer rehe ihewe.

Jó 17:16

Aipo heremiàro wezyw putar ipupyaikaw pyrer umàno ma'e kwer wapyta haw pe har pe nehe. Aipo upytu'u putar hepyr ywy iwy pe nehe.

Jó 19:20

Xo hepir hekagwer rehe we upyta we ihewe. Hereko wiwi haw zawaiw katu ihewe.

Jó 21:23

Amo awa wiko urywete pà wà. Ikatu 'ym ma'e nuzeapo kwaw wanupe. Hemetarer katu umàno mehe wà.

Jó 21:24

Na'ima'eahy pixik kwaw wà. Tynehem ukàgaw pupe wà no.

Jó 21:26

Màràmàràn umàno wà. Waànàm uzutym wanetekwer wà. Merua'yr upyupyk wanetekwer wà.

Salmos 25:7

Nereharaz ikatu 'ym ma'e heremiapo kwer hekwarer mehe arer wi nehe, heremiawy kwer hekwarer mehe arer wi nehe no. Erepuruamutar katu ne. Nekatuahy no. A'e rupi nema'enukwaw herehe nehe, o Tupàn Tuweharupi Wiko Ma'e.

Provérbios 14:32

Ikatu 'ymaw weraha ikatu 'ym ma'e iaiw paw pe wà. Imunar 'ymaw uzekaiw ikatu ma'e wanehe.

Ezequiel 24:13

Zeruzarez, neremiapo kwer iro ma'e nemuaiw a'e. Azeagaw nemukatu pà. Ereiko wiwi ikatu 'ym ma'e romo. Azepyk putar tuwe nerehe hekwahy haw nànàn ihe nehe. Xo a'e mehe zo nekatu putar herenataromo nehe.

Ezequiel 32:27

Kwehe mehe zauxiapekwer ipuruzukaiwahy ma'e itym mehe teko umume'u wanemiapo kwer amogwer wanenataromo wà. Wezyw umàno ma'e kwer wapyta haw pe utakihe puku heraha pà wà. Teko numume'u kwaw Mezek rehe har wanemiapo kwer wazutym mehe wà. Numume'u kwaw Tumaw rehe har wanemiapo kwer wà. Teko omono watakihepuku waàkàg iwype wà. Upyk wanetekwer umim awer pupe wà. 'Aw zauxiapekwer tetea'u zuka har upuner wikuwe ma'e wamukyzeahy kar haw rehe wà, wikuwe mehe wà.

João 8:21

Uze'eg wi Zezuz tuwihaw wanupe a'e kury. — Aha putar xe wi ihe nehe. Herekar putar pe nehe. Naherexak kwaw pe nehe. Pemàno putar nehe. Ni amo napepyro kwaw ikatu 'ym ma'e penemiapo kwer wi a'e nehe. Napepuner kwaw peho haw rehe heho àwàm me nehe, i'i wanupe.

João 8:24

A'e rupi — Pemàno putar nehe, a'e kwez peme ihe. — Ni amo napepyro kwaw penemiapo kwer ikatu 'ym ma'e wi a'e nehe, a'e kwez peme. Azeharomoete, pemàno putar pekatu 'ygwer wi pezepyro 'ym pà nehe, aze napezeruzar kwaw Tupàn romo hereko haw rehe nehe.

Atos 1:25

Ma'enugar wiko putar Zezuz hemimono karer romo hekuzaromo nehe. Ta'e Zut a'e xe, umàno kwez a'e xe. Oho kwez weko hawete pe a'e xe, oho kwez zepykaw pe a'e xe.