Jó 2:11 - Tupàn zeꞌeg

¹¹ Heta na'iruz imyrypar Izo pe wà: Eripaz Temà ywy rehe arer, Minaz Xuwa ywy rehe arer, Zopar Nama ywy rehe arer. Amo umume'u iaiw ma'e Izo pe uzeapo ma'e kwer wanupe wà. — Zaha Izo hexak pà nehe ty wà. Iaiw ma'e uzeapo izupe. Ximume'u zanezemumikahy haw zaha izupe nehe, i'i uzeupeupe wà.

Jó 2:11 ပူးပေါင်းရင်းမြစ်များ

Gênesis 25:2

Omono amo ta'yr izupe wà. Na'aw waner xe wà: Zinihà, Zokizà, Menà, Mimà, Izimak, Xu.

Gênesis 36:15

Na'aw teko Ezau izuapyapyr waner xe wà: Ta'yr ipy Eripaz wiko 7 teko wanu romo, 7 wa'yr wanupe. Na'aw ta'yr waner xe wà: Temà, Omar, Zepo, Kenaz,

Gênesis 37:35

Ta'yr paw a'e wà, tazyr paw a'e wà no, uzeagaw imurywete kar pà a'e wà. Nuzemurywete kar kwaw wanupe. Uze'eg wanupe. — Napytu'u kwaw hera'yr rehe hezai'o re nehe, hereko mehe ihe. Xo umàno ma'e kwer wapyta haw pe heho mehe, hera'yr huwàxi mehe apytu'u putar hezai'o re nehe, i'i wanupe. Uzai'o wiwi wa'yr rehe tuweharupi.

1 Crônicas 1:32

Àmàrààw wereko amo wemirekoagaw Ketur her ma'e a'e. Omono 6 ta'yr izupe wà. Na'aw waner xe wà: Zinihà, Zokizà, Menà, Minià, Izimak, Xu. Heta mokoz ta'yr Zokixà pe wà: Xama, Nenà waner romo wà. Heta 5 ta'yr Minià pe wà.

1 Crônicas 7:22

Wanu Eparai umumaw 'ar tetea'u uzai'o pà wamàno re a'e. Tywyr oho ipyr imurywete kar pà wà.

Jó 11:1

Zopar Nama pe har uze'eg putar xe a'e nehe kury.

Jó 13:4

Penemu'em pema'ekwaw 'ymaw imim pà. Peiko muhàg kwaw par teko imukatu 'ymar ài.

Jó 15:1

Eripaz Temà ywy rehe har uze'eg putar a'e nehe kury.

Jó 16:2

Agwer ma'e ainu kwehe mehe ihe. Nahemurywete kar kwaw pe. Hemuzemumikahy kar pe.

Jó 16:20

Hemyrypar uze'eg urywahyahy herehe wà. Azewyr Tupàn pe herehay hereko pà.

Jó 18:1

Minaz uze'eg putar nehe kury.

Jó 19:19

Te hemyryparete wanupe hero kury. Teko heremiamutar wera'u hereityk wà.

Jó 19:21

Hemyrypar wà, hepuhareko pe nehe. Ta'e Tupàn ipo a'e xe, hekutuk arer romo hekon a'e xe.

Jó 4:1

Na'e imyrypar Eripaz Temà ywy rehe har uze'eg a'e kury.

Jó 42:11

Tywyr paw wà, heinyr paw wà no, oho hexak pà wà. Uzapo mai'u hawhu wanupe wàpuz me. — Uruzemumikahy ma'e newe uzeapo ma'e kwer rehe ure, i'i izupe wà. — Tupàn umur kar iaiw paw tetea'u nerehe a'e. Uruzemumikahy henu mehe ure, i'i izupe wà. Pitàitàigatu umur temetarer izupe wà. Umur kwàku'aw har or iapo pyrer izupe wà no.

Jó 42:7

Izo pe uze'eg pawire Tupàn Tuweharupi Wiko Ma'e uze'eg Eripaz Temà ywy rehe har pe kury. — Aikwahy newe ihe, mokoz nemyrypar wanupe ihe no. Ta'e napemume'u kwaw ze'eg azeharomoete har herehe peze'eg mehe xe. Heremiruze'eg Izo umume'u ze'eg azeharomoete har a'e.

Jó 42:9

Na'e Eripaz Temà pe har a'e, Minaz Xuwa pe har a'e no, Zopar Nama pe har a'e no, oho Tupàn Tuweharupi Wiko Ma'e hemiapo kar kwer iapo pà wà kury. Tupàn wenu katu Izo ize'eg.

Jó 6:14

Aze amo teko he'o nehe, tuwe imyrypar upuhareko a'e wà nehe. Aze upytu'u Tupàn upuner wera'u ma'e wi ukyze re nehe, Nezewe rehe we imyrypar upuhareko putar wà nehe.

Jó 6:19

Teko Tema wi ur ma'e kwer wà, Xama wi ur ma'e kwer wà no, Wekar a'e yrykaw oho waiko 'y hexak àwàm hàrogatu pà wà.

Jó 8:1

Na'e Minaz Xuwa ywy rehe har uze'eg a'e kury.

Provérbios 17:17

Nemyrypar neamutar katu tuweharupi. Iaiw paw nerehe i'ar mehe nemyrypar uzeapo neryky'yr romo.

Provérbios 18:24

Amo zemuryparypar haw upaw na'arewahy. Nemyrypar azeharomoete har neamutar katu wera'u uwywyr wi a'e.

Provérbios 27:10

Epyro zo nemyrypar wi nehe, ni neru imyrypar wi nehe no. Aze ereiko zawaiw paw inuromo, — Hepytywà pe nehe, ere zo nerywyr pe nehe. Neruwake wiko ma'e ikatu wera'u newe nerywyr muitea'u har wi a'e.

Isaías 51:19

Mokoz iaiw paw erepuraraw: Neàmàtyry'ymar umuaiw neywy wà. Zeàmàtyry'ymawhu uzuka hehe har wà. Wama'uhez haw uzuka amogwer wà no. Mo nepuhareko a'e wà. Mo uzeagaw nemurywete kar pà wà.

Jeremias 49:7

Tupàn Tuweharupi Wiko Ma'e upuner wera'u ma'e umume'u ko ma'e Enom ywy rehe uzeapo ma'e ràm kury. — Aipo teko Temà tawhu pe har he'o wà. Aipo waneruze'egar nukwaw kwaw waneruze'egaw wà kury. Aipo wama'ekwaw paw upaw wanuwi.

Obadias 1:9

Zauxiapekwer Temà tawhu pe har uryryryryz putar ukyze haw wi a'e wà nehe. Zauxiapekwer zeàmàtyry'ymawhu pe oho ma'e umàno putar wà nehe. Amo uzuka putar wà nehe.

João 11:19

A'e rupi Zutew tetea'u ur Mart ipyr Mari ipyr a'e wà kury, wamurywete kar pà a'e wà kury. Ta'e uzemumikahy ukywyr imàno awer rehe a'e wà xe.

Romanos 12:15

Aze amo hurywete wà nehe, penurywete wainuromo nehe no. Aze amo uzemumikahy wà nehe, pezemumikahy wainuromo nehe no.

1 Coríntios 12:26

Aze amo ipehegwer ima'eahy nehe, amogwer ipegegwer upuraraw putar a'e ma'eahy haw a'e wà nehe no. Aze teko uze'egatu amo ipehegwer rehe wà nehe, amogwer ipehegwer hurywete putar wà nehe no.

Hebreus 13:3

Tuwihaw umunehew kar amo uzeruzar ma'e zemunehew paw pe a'e wà, ta'e a'e tuwihaw na'iakatuwawahy kwaw Zezuz rehe a'e wà xe. Pepytywàgatu a'e zemunehew paw pe har pe wà nehe. Aze ru'u tuwihaw pemunehew putar amo 'ar mehe wà nehe no. Teko upuraraw kar ma'erahy amo uzeruzar ma'e wanupe a'e wà no, ta'e Zezuz na'ikatu kwaw a'e teko wanupe a'e xe. Pepytywàgatu a'e uzeruzar ma'e pe wà nehe no. Aze ru'u pepuraraw putar ma'erahy nezewegatete amo 'ar mehe nehe no.

Josué 15:41

Zenerot, Mete-Nago, Nama, Makena. Upyhyk 16 tawhu wà. Heta taw pixika'i ma'e a'e tawhu wanuwake har wà no.